રામપુરના યુવાનને લગ્ન કરાવી આપવાની લાલચ આપનાર પાંચ વિરૂધ્ધ ફરીયાદ. યુવકને લગ્ન કરાવવા વાહનમાં બેસાડી રૂ.૪ લાખ પડાવી લીધાનો આક્ષેપ.
0
0
Read Time:2 Minute, 33 Second
રિપોર્ટ :- જીગ્નેશ સોની હિંમતનગર
સાબરકાંઠા જિલ્લામાં રહેતા અનેક પરિવારના યુવકોની લગ્નની ઉંમર પૂર્ણ થાય છે ત્યારે આવા પરિવારો પોતાના પુત્રને લગ્ન કરાવવા માટે અથાગ પ્રયાસ કરે તે સ્વાભાવિક છે ત્યારે હિંમતનગરના અર્બુદાનગરમાં રહેતા એક દંપતિ તથા અન્ય બે જણાએ અત્યાર સુધીમાં હિંમતનગર અને તલોદ તાલુકાના યુવાનને લગ્ન કરવાની લાલચ આપીને લગ્નની દલાલી પેટે લાખો રૂપિયા પડાવી લીધાના આક્ષેપ સાથેની ત્રણ ફરીયાદ નોંધાઈ ચુકી છે ત્યારે શુક્રવારે પાંચ જણાએ હિંમતનગર તાલુકાના રામપુર ગામના એક યુવકને લગ્ન કરાવવાની લાલચ આપી રૂ.૪ લાખની છેતરપીંડી કરી હોવાના આક્ષેપ સાથે ભોગ બનનાર યુવકે ગાંભોઈ પોલીસ સ્ટેશનમાં ફરીયાદ નોંધાવી હતી.
આ અંગે રામપુર ગામના ઉમેશ પટેલે નોંધાવેલી ફરીયાદમાં જણાવ્યા મુજબ ગત તા.૧૮ ફેબ્રુઆરીના રોજ રાત્રિના સુમારે આવેલા અને હિંમતનગરની અર્બુદાનગર સોસાયટીમાં રહેતા કવિતાબેન મનોજભાઈ સોની, મનોજ બાબુલાલ સોની, પ્રણવ મનોજભાઈ સોની તથા સવિતા સુનિલ ભીવનકરએ ઉમેશ પટેલ પાસે આવી લગ્ન કરાવી આપવાની લાલચ આપી વિશ્વાસમાં લઈ લીધો હતો ત્યારબાદ મનોજ સોની, પ્રણવ સોની અને સવિતા સુનિલ ભીવનકરે વાહનમાં બેસાડી રામપુરથી અન્ય સ્થળે લઈ ગયા હતા.
ત્યારબાદ આ પાંચેય જણાએ ગુનાહિત કાવતરૂ રચીને ઉમેશ પટેલ પાસેથી લગ્ન કરાવી આપવાના બહાને રૂ.૪ લાખ લઈ લીધા હતા. તેમ છતાં પણ આ પાંચેય જણાએ ઉમેશના લગ્ન ન કરાવી આપી વિશ્વાસઘાત અને છેતરપીંડી કરી હતી જોકે અત્યાર સુધી ઉમેશ પટેલે આ પાંચેય જણાનો સંપર્ક કરી રૂ.૪ લાખ પરત આપવાની માંગ કરી હતી પરંતુ લીધેલા રૂપિયા પરત ન મળતાં શુક્રવારે ઉમેશ પટેલે પાંચેય વિરૂધ્ધ ગાંભોઈ પોલીસ સ્ટેશનમાં ફરીયાદ નોંધાવી હતી.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
