વણસર ગામ ખાતે ક્ષય (ટીબી) નિદાન કેમ્પ યોજાયો.
Views: 22
0
0
Read Time:3 Minute, 2 Second
રિપોર્ટ :- જીગ્નેશ સોની હિંમતનગર
“આરોગ્ય એ જ સાચી સંપત્તિ છે,” આ સુવિચારને સાર્થક કરવા માટે સરકાર દ્વારા અનેકવિધ આરોગ્યલક્ષી કાર્યક્રમોનું આયોજન કરવામાં આવે છે. ભારતના સ્વપ્ન સમાન ‘ટી.બી. મુક્ત ભારત’ અભિયાનને ગ્રામ્ય સ્તરે સફળ બનાવવા માટે જનજાગૃતિ અને સક્રિય તપાસ અત્યંત આવશ્યક છે. આ જ શ્રેણીમાં, આજ રોજ પ્રાથમિક આરોગ્ય કેન્દ્ર સંધાણા ના આયુષ્માન આરોગ્ય મંદિર રાધાવણજ ના વણસર ગામ ખાતે ના ઉપક્રમે એક અત્યંત મહત્વપૂર્ણ એક્સ-રે કેમ્પનું આયોજન કરવામાં આવ્યું હતું, જે ગ્રામીણ આરોગ્ય સેવાઓની સફળતાની એક ગાથા બની રહ્યો.
આજના આ કાર્યક્રમનો મુખ્ય ઉદ્દેશ્ય ક્ષય (ટી.બી.) જેવા ગંભીર રોગનું વહેલું નિદાન કરી તેને જડમૂળથી નાબૂદ કરવાનો હતો. વણસર ગામ માં આયોજિત આ કેમ્પમાં ગ્રામજનોએ ઉત્સાહપૂર્વક સહભાગી બની પોતાના સ્વાસ્થ્યની તપાસ કરાવી હતી. આ કાર્યક્રમની સફળતાનો અંદાજ એ વાત પરથી લગાવી શકાય છે કે, માત્ર અડધા જ દિવસમાં કુલ ૧૯૨ ગ્રામજનોના એક્સ-રે કરવામાં આવ્યા હતા, જે દર્શાવે છે કે ગ્રામજનો પોતાના સ્વાસ્થ્ય પ્રત્યે કેટલા જાગૃત બન્યા છે.
આ કેમ્પને ગરિમાપૂર્ણ બનાવવા માટે સી.ડી.એચ.ઓ. ડી.ટી.ઓ. ની અધ્યક્ષતામાં કાર્યક્રમની રૂપરેખા તૈયાર કરવામાં આવી હતી. તાલુકા હેલ્થ ઓફિસર ડૉ. રિતેશ બેન્કર,આયુષ મેડીકલ ઓફિસર ડૉ એમ.એમ.જાની તાલુકા એસ.ટી.એસ. (STS) ઘનશ્યામભાઈ એમ.પી.એચ.એસ સંજયભાઈ ડોડીયા, સી.એચ.ઓ. યશસ્વીબેન ઝાલા ના સક્ષમ અને સતત માર્ગદર્શન હેઠળ આ આખું આયોજન સુચારુ રીતે પાર પડ્યું હતું. તેમના પ્રોત્સાહન અને પ્લાનિંગને કારણે જ આરોગ્યકર્મીઓ અને ગ્રામજનો વચ્ચે એક સેતુ બંધાયો હતો.
આ કાર્યક્રમમાં ‘આશા’ બહેનો અને મ.પ.હે.વ વિનોદભાઈ ની ભૂમિકા અત્યંત મહત્વની રહી હતી. તેમણે ઘર-ઘર સુધી પહોંચીને લોકોને કેમ્પ માટે પ્રોત્સાહિત કર્યા અને કેમ્પ દરમિયાન તમામ વ્યવસ્થાઓ ખૂબ જ ચીવટપૂર્વક સંભાળી હતી. આશા બહેનોનો ઉત્સાહ અને પેરામેડિકલ સ્ટાફની મહેનતને પરિણામે ૧૯૨ લોકોની તપાસ શક્ય બની, જે આ કાર્યક્રમની સૌથી મોટી સિદ્ધિ છે.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %