રાજા રઘુવંશી હત્યાકાંડમાં એક નવો વળાંક આવ્યો છે. મુખ્ય આરોપી સોનમ રઘુવંશીને જેલમાંથી મુક્ત કરવામાં આવી છે.

0 0

રાજા રઘુવંશી હત્યાકાંડમાં એક નવો વળાંક આવ્યો છે. મુખ્ય આરોપી સોનમ રઘુવંશીને જેલમાંથી મુક્ત કરવામાં આવી છે, પરંતુ આ મુક્તિ પાછળ પુરાવાઓનો અભાવ નહીં પણ પોલીસની દસ્તાવેજી ભૂલ જવાબદાર છે.

ખોટી કલમ: નવી ભારતીય ન્યાય સંહિતા (BNS) હેઠળ હત્યા માટેની કલમ 103(1) લાગે છે. જોકે, પોલીસે સોનમની ધરપકડના મેમો, કેસ ડાયરી અને અન્ય દસ્તાવેજોમાં ભૂલથી 403(1) લખી દીધું હતું.

અસ્તિત્વ જ નથી: BNS માં કલમ 403(1) જેવી કોઈ જોગવાઈ જ નથી. જ્યારે જૂની IPC મુજબ આ કલમ પ્રોપર્ટી સાથે જોડાયેલી હતી.

મૌલિક અધિકારોનો ભંગ: અદાલતે નોંધ્યું કે ધરપકડ સમયે આરોપીને કયા ગુના હેઠળ પકડવામાં આવી છે તેની સાચી જાણકારી આપવી ફરજિયાત છે. સોનમના કિસ્સામાં પોલીસે તેને હત્યાની કલમ (103-1) વિશે લેખિતમાં જાણ કરી નહોતી, જે કલમ 22(1) મુજબ તેના મૌલિક અધિકારનું ઉલ્લંઘન છે.

શિલોંગની એડિશનલ ડીસી (જ્યુડિશિયલ) દશાલિન આર. ખરબતેંગે જણાવ્યું કે, “ધરપકડના કારણો ધરપકડ પહેલા જ નક્કી હોવા જોઈએ. જો તમામ દસ્તાવેજોમાં ખોટી કલમ લખાયેલી હોય, તો તેને માત્ર સામાન્ય ટાઈપિંગ મિસ્ટેક માની શકાય નહીં.” સોનમ ટ્રાયલ દરમિયાન શિલોંગ શહેર છોડી શકશે નહીં. તે પુરાવા કે સાક્ષીઓ સાથે કોઈ છેડછાડ કરી શકશે નહીં. કોર્ટની દરેક તારીખે હાજર રહેવું પડશે. 50,000 રૂપિયાનો પર્સનલ બોન્ડ અને બે જામીન રજૂ કરવા પડશે. જામીન મળ્યા બાદ સોનમના ભાઈ ગોવિંદ રઘુવંશીએ સ્પષ્ટ કર્યું છે કે પરિવાર તેને ઘરમાં નહીં રાખે. જો માતા-પિતા તેને ઘરે લાવશે તો ગોવિંદ પોતે ઘર છોડી દેશે. સોનમ અત્યારે શિલોંગમાં જ રહેવા મજબૂર છે.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

સુરતના અલથાણ વિસ્તારમાં ગઈકાલે રાત્રે બનેલી છેડતીની ઘટનાએ ભારે ચકચાર જગાવી છે.

0 0

આ મામલે પોલીસની ભૂમિકા અને ટોળા પર કરાયેલા બળ પ્રયોગ અંગે DCP નિધિ ઠાકુરે વિગતવાર માહિતી આપી છે. ગઈકાલે રાત્રે આશરે 8 વાગ્યે એક 16 વર્ષીય સગીરા ટ્યુશનથી ઘરે જઈ રહી હતી, ત્યારે 35-40 વર્ષના સૈફ નામના શખ્સે તેની છેડતી કરી હતી. સ્થાનિક લોકો અને શિક્ષકોએ તકેદારી દાખવી આરોપીને ઝડપી પાડ્યો હતો. જ્યારે પોલીસની PCR વાન આરોપીને લેવા પહોંચી, ત્યારે લોકોએ પોલીસની હાજરીમાં જ તેને મેથીપાક ચખાડ્યો હતો.

DCP નિધિ ઠાકુરે જણાવ્યું કે:

બેકાબૂ ટોળું: ઘટના બાદ પોલીસ સ્ટેશન બહાર 300થી વધુ લોકો એકઠા થયા હતા અને સૂત્રોચ્ચાર કરી રહ્યા હતા.

ગેરવાજબી માંગણી: ટોળા દ્વારા એવી માંગણીઓ કરવામાં આવી રહી હતી જે કાયદાકીય રીતે અયોગ્ય હતી.

સમજાવટ નિષ્ફળ: પોલીસે લાંબા સમય સુધી લોકોને શાંત રહેવા વિનંતી કરી, પરંતુ જ્યારે સ્થિતિ વણસી અને હિંસા થવાની ભીતિ સેવાઈ, ત્યારે હળવો લાઠીચાર્જ (Force) કરીને ટોળાને વિખેરવાની ફરજ પડી હતી.

પોલીસે આરોપી સૈફની સત્તાવાર અટકાયત કરી લીધી છે. સગીરાના પરિવાર અને ક્લાસ ટીચરની હાજરીમાં કડક કલમો હેઠળ FIR નોંધવાની પ્રક્રિયા હાથ ધરાઈ છે. હાલમાં અલથાણ વિસ્તારમાં પરિસ્થિતિ સંપૂર્ણપણે પોલીસના નિયંત્રણ હેઠળ છે અને કોઈપણ અફવા પર ધ્યાન ન આપવા અપીલ કરવામાં આવી છે.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

પ્રાંતિજ તાલુકાની રાજનીતિમાં ચોંકાવનારી અને ચર્ચાસ્પદ ઘટનાએ ભારે વિવાદ ઊભો કર્યો.

0 0

રિપોર્ટ :- જીગ્નેશ સોની હિંમતનગર

આમ આદમી પાર્ટીના ઉપપ્રમુખ તથા સાબરકાંઠા જિલ્લા પંચાયતની બાલીસણા બેઠકના ઉમેદવાર વિષ્ણુભાઈ વિઠ્ઠલભાઈ પટેલે નામાંકન ફોર્મ ભર્યા બાદ અંતિમ ક્ષણે અચાનક જ પરત ખેંચી લેતા રાજકીય વર્તુળોમાં હલચલ મચી ગઈ છે.

સૂત્રો દ્વારા પ્રાપ્ત માહિતી મુજબ, તેમણે પક્ષના કોઈપણ નેતાઓને જાણ કર્યા વિના આ નિર્ણય લીધો હોવાનું કહેવાઈ રહ્યું છે. જેને કારણે પક્ષમાં આંતરિક અસંતોષ અને સવાલો ઊભા થયા છે. લોકમુખે તો વધુ ગંભીર આક્ષેપો પણ થઈ રહ્યા છે અંદાજિત ૬૦ થી ૭૦ લાખ રૂપિયાની લેવડદેવડ થયાની ચર્ચાએ આ સમગ્ર ઘટનાને વધુ શંકાસ્પદ બનાવી દીધી છે. જોકે, આ અંગે કોઈ સત્તાવાર પુષ્ટિ નથી.

પરિસ્થિતિ ત્યારે વધુ વિવાદાસ્પદ બની જ્યારે સલાલ ખાતે મુખ્યમંત્રી ભુપેન્દ્રભાઈ પટેલની જાહેર સભામાં વિષ્ણુભાઈની હાજરી જોવા મળી. આ દ્રશ્યે લોકોના આક્ષેપોને બળ આપ્યું છે કે શું આ રાજકીય ‘સેટિંગ’નું પરિણામ છે? શું ઉમેદવાર વેચાઈ ગયા હોવાના આરોપોમાં કોઈ સત્ય છે?

પ્રાંતિજની જનતા હવે ખુલ્લેઆમ પ્રશ્નો પુછી રહી છે—શું લોકતંત્રમાં મતદારોના વિશ્વાસ સાથે ખેલ કરવામાં આવી રહ્યો છે? શું રાજકારણમાં પૈસાની તાકાત ફરી એકવાર પ્રભુત્વ જમાવી રહી છે?

આ સમગ્ર ઘટનાએ માત્ર એક ઉમેદવારની વિશ્વસનીયતા જ નહીં પરંતુ સમગ્ર રાજકીય પ્રણાલીની પારદર્શિતા પર પણ પ્રશ્નચિહ્ન મૂકી દીધું છે. હકીકત શું છે તે તો તપાસ અને સમય જ બતાવશે, પરંતુ હાલ માટે આ ઘટના લોકતંત્ર પર કાળા ડાઘ સમાન લાગી રહી છે.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

વડાલીના કેશરપુરાની સીમમાંથી ગાંજાનું વાવેતર પકડાયું વડાલી પોલીસે ડ્રોનની મદદથી રૂ.૨૦ લાખનો ગાંજો જપ્ત કર્યો.

0 0

 રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના વડાલી તાલુકાના કેશરપુરા ગામની સીમના એક ખેતરમાંથી ગુરૂવારે વડાલી પોલીસે ડ્રોનની મદદથી ગાંજાના વાવેતરની વિગતો મેળવી હતી ઉપરાંત મળેલી બાતમી બાદ પોલીસે અંદાજે રૂ.ર૦ લાખની કિંમતનો અંદાજે ૪૦ કિલોથી વધુ નશીલા પદાર્થ તરીકે ઓળખાતા લીલા ગાંંજાના છોડ કબ્જે લઈને એક શખ્સની અટકાયત કરી એનડીપીએસ એકટ અંતર્ગત ગુનો નોંધી ઘટતી કાર્યવાહી હાથ ધરી છે.

આ અંગે વડાલીના પીઆઈ ડી.આર.પઢેરીયા તથા સ્ટાફને મળેલી બાતમી બાદ ગુરૂવારે કેશરપુરા ગામની સીમમાં આવેલ એક ખેતરમાં રહેતા મનસુખ ભાઈ ડુંડ એ તંત્ર પાસેથી કોઈપણ જાતની પરવાનગી લીધા વિના ખેતરમાં ગેરકાયદે ગાંજાનું વાવેતર કર્યું હોવાની બાતમી વડાલી પોલીસને મળ્યા બાદ પોલીસે બાતમીની ચોકસાઈ કરવા માટે ડ્રોન કેમેરાની મદદ લઈને જે ખેતરમાં ગાંજાનું વાવેતર થયું હતું તેની સચોટ માહિતી મેળવી હતી.

ત્યારબાદ વડાલી પોલીસને મળેલી માહિતીને આધારે ડ્રોન ફૂટેજમાં શંકાસ્પદ છોડ દેખાતા પોલીસની ટીમ સાથે તાત્કાલિક ખેતરમાં દરોડો પાડયો હતો. તપાસ દરમિયાન ખેતરમાંથી અંદાજે ગાંજાના ૬૮ છોડ મળી આવ્યા હતા. ત્યારબાદ વડાલી પોલીસે સ્થળ પર ગાંજાના લીલા છોડનું વજન કરતાં અંંદાજે ૪૦ કિલો અને ૨૦૦ ગ્રામ લીલો ગાંજો હોવાનું જણાવયું હતું. હાલ આંતરરાષ્ટ્રીય બજાર કિંમત મુજબ આ જથ્થાની કિંમત અંદાજે ૨૦.૧૦ લાખ રૂપિયા થવા જાય છે. જેથી પોલીસે મનસુખભાઈ ડુંડ (ઉંમર ૪૭ વર્ષ)ની ધરપકડ કરી છે. પ્રાથમિક પૂછપરછમાં બહાર આવ્યું છે કે આરોપીએ આર્થિક લાભ મેળવવા અને વેચાણના ઈરાદે આ ગેરકાયદેસર ખેતી કરી હતી. પોલીસે એનડીપીએસ એક્ટ મુજબ ગુનો નોંધી રૂ.૩ હજારની કિંમતનો મોબાઈલ મળી અંદાજે રૂ.ર૦.૧૦ લાખનો મુદ્દામાલ કબ્જે લીધો હતો.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

રાજસ્થાન ખાતેથી પ્રાઈવેટ ટ્રાવેલ્સમાં બેસી અમદાવાદ ખાતે ઈંગ્લીશ દારૂનો જથ્થો લાવતી ટોળકીની ત્રણ મહીલાઓ તથા એક ઈસમને પકડી પાડતી ઓઢવ પોલીસ.

0 0

અલગ અલગ બ્રાન્ડની ઈંગ્લીશ દારૂની નાની મોટી શીલબંધ બોટલો તથા બિયરના ટીન કુલ્લે નંગ:૩૯૪ કિ.રૂ.૧,૧૦,૮૩૦/- તથા ગુનામાં વાપરેલ ઓટોરિક્ષા તથા મોબાઈલ ફોન નંગ:૦૨ મળી કુલ્લે કિ.૧,૬૫,૮૩૦/- ના મુદ્દામાલ સાથે ચાર માણસો ઝડપાયા

મે.પો.કમિ.શ્રી અમદાવાદ શહેર તથા અધિક પોલીસ કમીશ્નર શ્રી સેક્ટર-૨ સાહેબ તથા નાયબ પોલીસ કમીશ્નર શ્રી ઝોન-૫ સાહેબ તથા મદદનીશ પો.ક.શ્રી “આઈ ડીવીઝન સાહેબની સુચના મુજબ તેમજ પોલીસ ઈન્સપેક્ટર શ્રી પી.એન.ઝીંઝુવાડીયા સાહેબ નાઓના માર્ગદર્શન હેઠળ તા:૧૫/૦૪/૨૦૨૬ ના રોજ સર્વેલન્સ સ્કોડના પો.સ.ઈ આર.એચ.જાડેજા સ્ટાફના માણસો સાથે દારૂ જુગારની પ્રવુર્તીઓ અટકાવવા તેમજ શોધી કાઢવા સારૂ પોલીસ સ્ટેશન વિસ્તારમાં પેટ્રોલીંગમાં હતા દરમ્યાન અ.હે.કો વિવેકકુમાર ભીખુભાઈ નાઓને મળેલ બાતમી હકીકત આધારે ઓઢવ રીંગરોડ ટી.જી.વી હોટલની સામે ઈન્દોર હાઈવે ઉપર જાહેરમાં પંચો સાથે વોચ તપાસ કરતા આરોપી નામે (૧) અમીચંદભાઈ ઉર્ફે બાદશાહ સ/ઓ બાદરજી પુનાજી જાતે ઠાકોર ઉ.વ.૪૫ રહે.ઈન્દીરાનગરવાસ ગામ.ચંદ્રાળા તા.જી.ગાંધીનગર (૨) કમલાબેન વા/ઓ કાલુરામ લક્ષ્મણભાઈ જાતે મીણા ઉ.વ.૪૬ રહે.ગામ.સામીતેર તા.ખેરવાડા જી.ઉદયપુર રાજસ્થાન તથા નં(૩) શારદાદેવી વા/ઓ જ્ઞાનદત જાતે મીણા ઉ.વ.૪૫ રહે.ગામ.મિટી મઠડી પોસ્ટ.સુંદરા તા.ખેરવાડા જી.ઉદેપુર રાજસ્થાન તથા નં(૪) કલ્પના વા/ઓ સંજયકુમાર જાતે મીણા ઉ.વ.૨૬ રહે.ગામ.ગડાવણ તા.ઋષભદેવ સાગવાડા જી.ઉદયપુર રાજસ્થાન નાઓને પોતાના કબ્જાની સી.એન.જી ઓટોરિક્ષા નંબર જી.જે.૧૮.એ.વાય.૨૪૭૦ માં વગર પાસ પરમીટે ભારતીય બનાવટના વિદેશી દારૂની નાની મોટી બોટલો તથા બિયર કુલ્લે નંગ:૩૯૪ કિ.રૂ.૧,૧૦,૮૩૦/-તથા ઉપરોક્ત ઓટોરિક્ષા કિ.રૂ.૫૦,૦૦૦/- તથા મોબાઈલ ફોન નંગ:૧ કિ.રૂ. ૫,૦૦૦/- તથા અલગ અલગ બેગ તથા થેલા નંગ:૦૫ કિ.રૂ.૦૦/૦૦ મળી કુલ્લે કીમત રૂપીયા ૧,૬૫,૮૩૦/- ના મુદામાલ સાથે પકડી આરોપીઓની પુછપરછ કરતા પોતે રાજસ્થાન ખાતેથી ઈંગ્લીશ દારૂનો જથ્થો અલગ અલગ બેગોમાં ભરી પ્રાઈવેટ ટ્રાવેલ્સ મારફતે અમદાવાદ આવેલ હોવાનુ જણાવતા ઉપરોક્ત આરોપીઓ વિરૂધ્ધમાં ઓઢવ પોલીસ સ્ટેશન ગુ.ર.નં. ૧૧૧૯૧૦૩૭૨૬૦૬૮૩/૨૦૨૬ ધી પ્રોહીબીશન એક્ટ કલમ ૬૫(એ)(ઈ),૧૧૬(બી),૯૮(૨),૮૧ મુજબનો ગુનો દાખલ કરી કાયદેસરની કાર્યવાહી કરી પ્રશંસનીય કામગીરી કરેલ છે. 

• કાર્યવાહી કરનાર ટીમના માણસો:

1. પો.સ.ઈ એચ.આર.જાડેજા

2. અ.હેડ.કોન્સ વિવેકકુમાર ભીખુભાઈ 

3. અ.પો.કો હિતેશભાઈ નાગજીભાઈ 

4.  અ.પો.કો અનુભવસિંહ તેજબહાદુરસિંહ 

5.  અ.પો.કો જીગરકુમાર અજમલભાઈ 

6.  વુ.પો.કો આશાબેન લક્ષ્મણભાઈ

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ચોરીના ગુનામાં નાસતો ફરતો શખ્સ મોતીપુરામાંથી ઝડપાયો

0 0

રિપોર્ટ‌ :- જીગ્નેશ સોની હિંમતનગર

હિંમતનગર એ-ડીવીઝન પોલીસ સ્ટેશનની હદમાં ત્રણ વર્ષ અગાઉ ચોરીના ગુનામાં સંડોવાયેલ અને નાસતા ફરતા એક શખ્સને સોમવારે એ-ડીવીઝન પોલીસે મોતીપુરા ચાર રસ્તા નજીકથી ઝડપી લઈને વધુ તપાસ માટે એ-ડીવીઝન પોલીસ સ્ટેશનમાં લવાયો હતો.

આ અંગે એ-ડીવીઝનના પીઆઈ કે.વાય.વ્યાસ તથા પીએસઆઈ એન.બી.વાઘેલા અને સ્ટાફના જણાવાયા મુજબ સોમવારે તેમનો સ્ટાફ એ-ડીવીઝન પોલીસ સ્ટેશનની હદમાં પેટ્રોલીંગ કરી રહયો હતો ત્યારે ચોરીના ગુનામાં ત્રણ વર્ષથી નાસતો ફરતો કમલેશ નારણજી ભગોરા (રહે.સંચીયા, તા.બીંછીવાડા) મોતીપુરા ચાર રસ્તા નજીક ફરતો હોવાને બાતમીને આધારે એ-ડીવીઝન પોલીસે જઈને પુછપરછ કર્યા બાદ કમલેશ ભગોરાની અટક કરી વધુ તપાસ માટે એ-ડીવીઝન પોલીસ સ્ટેશનમાં લવાયો હતો.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

હિંમતનગર બસ સ્ટેન્ડ પાસેથી દારૂના ગુનામાં નાસતો ફરતો શખ્સ પકડાયો.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના વિજયનગર પોલીસ સ્ટેશનની હદમાં છેલ્લા કેટલાક સમયથી દારૂના ગુનામાં નાસતા ફરતા અને અમદાવાદના છારાનગર અચેરમાં રહેતા એક શખ્સને બાતમીને આધારે સોમવારે હિંમતનગર એ-ડીવીઝન પોલીસે તેને હિંમતનગર બસ સ્ટેન્ડ આગળથી ઝડપી લીધો હતો.

આ અંગે હિંમતનગર બી-ડીવીઝનના પી.આઈ એ.એમ ચૌધરી તથા પીએસઆઈ આર.એલ.દેસાઈ તથા સ્ટાફના જણાવાયા મુજબ થોડાક મહિના અગાઉ વિજયનગર પોલીસ સ્ટેશનની હદમાં દારૂની હેરાફેરી તથા અન્ય ગુનામાં સંડોવાયેલ રતન લક્ષ્મણભાઈ જાડેજા (રહે.છારાનગર, અચેર, અમદાવાદ)ને પોલીસ શોધખોળ કરતી હતી ત્યારે સોમવારે તે હિંમતનગર બસ સ્ટેન્ડ નજીક ફરતો હોવાની બાતમીને આધારે હિંમતનગર બી-ડીવીઝન પોલીસે તેને ઝડપી લઈ વધુ તપાસ માટે વિજયનગર પોલીસને હવાલે કરાયો હતો.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

એટ્રોસીટી અને દુષ્પ્રેરણના ગુનામાં સંડોવાયેલ બેને માળીયામીયાણાથી ઝડપી લેવાયા.

0 0

રિપોર્ટ :- જીગ્નેશ સોની હિંમતનગર

હિંમતનગર બી-ડીવીઝન પોલીસ સ્ટેશનમાં ત્રણ વર્ષ અગાઉ એટ્રોસીટી અને મૃત્યુના દુષ્પ્રેરણના ગુનામાં સંડોવાયેલા બે જણાને તાજેતરમાં મોરબીના માળીયામીયાણા ખાતેથી ઝડપી લઈ એલસીબીએ બંનેને હિંમતનગર લાવી વધુ તપાસ માટે બી-ડીવીઝન પોલીસને હવાલે કરાયા હતા.

આ અંગે એલસીબીના પીઆઈ ડી.સી.સાકરીયા, પીએસઆઈ કે.સી.બ્રહ્મભટ્ટ તથા સ્ટાફના જણાવાયા મુજબ વર્ષ ર૦ર૩માં રવિકુમાર કાનજીભાઈ મોચીની પત્નિ ચાંદનીબેન રમજાનમીયા કતીયા પ્રેમ સબંધ હોવાને કારણે ભાગી ગયા હતા. ત્યારબાદ આ બંને જણા નાસતા ફરતા હતા.તો બીજી તરફ રવિ મોચીએ સુસાઈડ નોટ લખી ગત તા.૪ માર્ચ ર૦ર૩ના રોજ પોતાના ઘરે ગળાફાંસો ખાઈને મોતને વ્હાલુ કરી દીધુ હતું. 

જે અંગેની ફરીયાદ નોંધાયા બાદ છેલ્લા ત્રણ વર્ષ થી રમજાનમીયા ઈબ્રાહીમભાઈ કતીયા તથા ચાંદનીબેન મોરબીના માળીયામીયાણામાં રહેતા હોવાની બાતમીને આધારે તાજેતરમાં એલસીબીના સ્ટાફે બંને જણાને ઝડપી લીધા હતા અને વધુ તપાસ માટે હિંમતનગર લાવી બી-ડીવીઝન પોલીસને હવાલે કરવામાંં આવ્યા હતા.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

દારૂના ગુનામાં સંડોવાયેલ ફરાર શખ્સ પકડાયો.

0 0

રિપોર્ટ :- જીગ્નેશ સોની હિંમતનગર

હિંમતનગર બી-ડીવીઝન પોલીસ સ્ટેશનની હદમાં દારૂની ગેરકાયદે હેરાફેરી તથા વેચાણ કરવાના ગુનામાં સંડોવાયેલ બીંછીવાડા તાલુકાના મોદર ગામનો એક શખ્સને તાજેતરમાં બી-ડીવીઝન પોલીસે પકડી લાવી વધુ તપાસના ચક્રો ગતિમાન કર્યા હતા.

આ અંગે બી-ડીવીઝનના પીઆઈ એ.એમ.ચૌધરી તથા સ્ટાફના જણાવાયા મુજબ થોડાક સમય અગાઉ બીંછીવાડા તાલુકાના મોદર ગામે રહેતા અશ્વિન કાંતિલાલ ડામોર વિરૂધ્ધ ગુનો દાખલ થયો હોવા છતાં તે પકડાયો ન હતો. દરમ્યાન બાતમીને આધારે બી-ડીવીઝન પોલીસે તાજેતરમાં અશ્વિન ડામોરને મોદર ગામેથી ઝડપી લીધો હતો ત્યારબાદ તેને હિંમતનગર લાવી વધુ તપાસના ચક્રો ગતિમાન કર્યા છે.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ઇડરના સરકારી ગોડાઉનમાં આંટાફેરા મારતા શંકાસ્પદ વ્યકિત અંગે અનેક તર્કવિર્તક. આ વ્યકિતને અગાઉ પુરવઠા વિભાગ દ્વારા બ્લેકલિસ્ટ કરાયો હતો.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના ઇડરના લાલોડા-સવગઢ રોડ પર આવેલ નાગરિક અન્ન પુરવઠા વિભાગના સરકારી ગોડાઉનમાં છેલ્લા કેટલાક દિવસોથી સરકારે બ્લેકલિસ્ટ કરેલ એક શંકાસ્પદ વ્યકિતના આંટાફેરા વધી ગયા હોવાનું માનીને ઇડર સહિત અન્ય સરકારી કચેરીઓમાં અનેક તર્કવિર્તક શરૂ થયા છે. 

આ અંગે સુત્રોમાંથી મળતી માહિતી મુજબ ઇડરના આ ગોડાઉનનો કોન્ટ્રાકટ રમેશ પ્રજાપતિને આપવામાં આવ્યો છે. જયાં દરેક ઠેકાણે અનાજ મોકલવા માટે વાહનોનો કોન્ટ્રાકટ તેમની પાસે છે. ત્યારે તેમણે પેટા કોન્ટ્રાકટ તરીકે નારાયણ ખટીકને રાખ્યા છે. સ્થાનિકોના કહેવા મુજબ આ નારાયણ ખટીક સામે અગાઉ પોલીસ ફરિયાદ થઇ હોવાને કારણે તેમને બ્લેકલિસ્ટ કરવામાં આવ્યા હોવાના આક્ષેપ થઇ રહ્યા છે તેમ છતાં રમેશ પ્રજાપતિ દ્વારા નારાયણ ખટીકને મહત્વ અપાઇ રહ્યું છે. જેથી તેઓ નિયમોનું ઉલ્લંઘન કરતા હોવાની ચર્ચા શરૂ થઇ છે. તો બીજી તરફ અનાજ મોકલવા માટે ઉપયોગમાં લેવાતા વાહનોનું ફિટનેસ પ્રમાણપત્ર,જીપીએસ સિસ્ટમ તથા વાહન અમુક વર્ષનું હોવું જોઇએ તેવો નિયમ હોવા છતાં અનાજની હેરાફેરીમાં જૂના વાહનોનો ઉપયોગ કરાતો હોવાનું મનાઇ રહ્યું છે. તેથી પુરવઠા વિભાગ દ્વારા સત્વરે તપાસ કરીને નિષ્પક્ષ કાર્યવાહી કરવાની માંગ ઉઠવા પામી છે.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %