શામળાજીના અણસોલ પાસે રાજસ્થાનથી લવાતો, ગુજસીટોકનો આરોપી ચકમો આપી ભાગ્યો.
Views: 47
0
0
Read Time:2 Minute, 23 Second
રિપોર્ટ:- જીગ્નેશ સોની હિંમતનગર
શામળાજી નજીક સ્ટેટ મોનિટરિંગ સેલ(એસએમસી)ની ટીમ દ્વારા શુક્રવારે રાજસ્થાનથી લવાઈ રહેલ અને ગુજસીટોકના ગુનામાં સંડોવાયેલા શખ્સ અચાનક પોલીસ જાપ્તામાંથી ભાગી છુટવાનો પ્રયાસ કરતાં એસએમસીની ટીમે તેના પર ફાયરીંગ કર્યું હતું જેથી આ શખ્સને ખભા નજીક ઈજા પહોંચી હતી ત્યારબાદ તેને શામળાજી સ્થાનિક પોલીસને જાણ કરી સારવાર માટે હિંમતનગર સિવિલમાં લવાયો હતો. જે અંગે હિંમતનગર એ-ડીવીઝન પોલીસને જાણ થતાં તેઓ તરત જ સિવિલમાં પહોંચી ગયા હતા.દરમ્યાન હિંમતનગર સિવિલમાં પોલીસનો ચુસ્ત બંદોબસ્ત ગોઠવી દેવામાં આવ્યો હતો.
આ અંગેની વિગત એવી છે કે ગુજસીટોકના ગુનામાં સંડોવાયેલ અને રાજસ્થાનમાં રહેતો શુકલાલ રામલાલ ડાંગીને એસએમસીની ટીમ અમદાવાદ તરફ સરકારી વાહનમાં બેસાડી લઈ જઈ રહી હતી ત્યારે શામળાજી પાસેના અણસોલ નજીક શુકલાલ ડાંગીએ અચાનક ભાગવાનો પ્રયાસ કર્યો હતો. જેથી એસએમસીની ટીમે પરિસ્થિતીને ધ્યાનમાં રાખી પોતાની પાસેના રિવોલ્વરમાંથી ફાયરિંગ કર્યું હતું. જેથી શુકલાલ ડાંગીને જમણા ખભાથી નીચે અને હાથની કોણીથી ઉપરની બાજુ ઈજા પહોંચી હતી ત્યારબાદ એસએમસીની ટીમે તેને શામળાજી લઈ જઈ પ્રાથમિક સારવાર અપાવી હતી અને વધુ સારવાર માટે હિંમતનગર સિવિલમાં લવાયો હતો.
જયાં ફરજ પરના તબિબોએ તપાસ કરીને કેટલાક મેડીકલ ટેસ્ટ કર્યા હતા. જે અંગે સિવિલના ઈન્ચાર્જ આર.એમ.ઓ. ર્ડા.વિપુલ જાનીએ જણાવ્યું હતું કે એસએમસીની ટીમ એક ઈજાગ્રસ્તને સારવાર માટે હિંમતનગર સિવિલમાં લાવી હતી સમગ્ર ઘટના અંગે એ-ડીવીઝન પોલીસને ખબર પડતાં પીઆઈ પ્રકાશ ચૌધરી તથા તેમનો સ્ટાફ સિવિલમાં આવી પહોંચ્યો હતો.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %