રૂ.૨૦.૪૬ લાખ ચૂકવ્યા છતાં ‘બાકી’ના નામે ત્રાસ. ખેડબ્રહ્માના મટોડામાં વ્યાજખોર સામે પોલીસ ફરિયાદ.
0
0
Read Time:1 Minute, 57 Second
રિપોર્ટ :- જીગ્નેશ સોની હિંમતનગર
દિકરાની સારવાર અને ધંધા માટે લીધેલા નાણાં વ્યાજ સહિત પરત કર્યા બાદ પણ રૂ. ૩.૭૫ લાખની માંગણી, જાનથી મારી નાખવાની ધમકીનો આક્ષેપ
હિંમતનગર: ખેડબ્રહ્મા તાલુકાના મટોડા ગામમાં વ્યાજખોરી અને ધાકધમકીનો ચોંકાવનારો કિસ્સો પ્રકાશમાં આવ્યો છે. ગામના એક રહીશે બિયારણના ધંધા તેમજ પોતાના દિકરાની સારવાર માટે વર્ષો અગાઉ લીધેલી રકમ વ્યાજ સહિત ચૂકવી દીધી હોવા છતાં વધુ નાણાંની માંગણી કરીને જાનથી મારી નાખવાની ધમકી અપાઈ હોવાનું સામે આવ્યું છે.
પોલીસ ફરિયાદ મુજબ મટોડા ગામના વિજય ફલજીભાઈ પટેલે વર્ષ ૨૦૧૨ માં ગામમાં રહેતા તળશીભાઈ હીરાભાઈ પટેલ પાસેથી પાંચ ટકા વ્યાજે તબક્કાવાર અંદાજે રૂ. ૧૨.૫૦ લાખ લીધા હતા. આ રકમમાંથી રૂ. ૭.૯૬ લાખ વ્યાજ અને રૂ.૧૨.૫૦ લાખ મુદલ સહિત કુલ રૂ.૨૦.૪૬ લાખ પરત ચૂકવી દેવામાં આવ્યા હોવાનો દાવો કરવામાં આવ્યો છે.
ફરિયાદમાં જણાવ્યા મુજબ સમગ્ર રકમ ચૂકવ્યા બાદ પણ તળશીભાઈ પટેલે રૂ. ૩.૭૫ લાખ હજુ બાકી હોવાનું કહી ઉઘરાણી શરૂ કરી હતી. આરોપ છે કે બાકી રકમ નહીં ચૂકવવામાં આવે તો જાનથી મારી નાખવાની ધમકી પણ આપવામાં આવી હતી.
આખરે સતત માનસિક ત્રાસ અને ધમકીઓથી કંટાળીને વિજય પટેલે રવિવારે ખેડબ્રહ્મા પોલીસ સ્ટેશનમાં તળશીભાઈ પટેલ વિરુદ્ધ ફરિયાદ નોંધાવતા પોલીસે વધુ તપાસ હાથ ધરી છે.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
