ગુજરાતમાં ભ્રષ્ટાચાર ફુલ્યો ફાલ્યો છે વિકાસની જોડે હિંમતનગર–ગાંભોઈ સર્વિસ રોડ પર નવી બનાવેલી ગટરનાં ઢાંકણ તૂટ્યાં.

0 0

રિપોર્ટ :- જીગ્નેશ સોની હિંમતનગર

હિંમતનગર–ગાંભોઈ–શામળાજી માર્ગ પર નેશનલ હાઈવે ૪૮ના વિસ્તરણ કામ હેઠળ ગાંભોઈથી શામળાજી જોડતા રોડની બાજુમાં આશરે 10.30 મીટર પહોળો સર્વિસ રોડ બનાવવામાં આવ્યો છે. તેની બાજુમાં અંદાજે દોઢ મીટર પહોળી ગટર પણ બનાવવામાં આવી છે.

પરંતુ ગટર બનાવ્યાના હજુ ૧૦–૧૫ દિવસ પણ પૂરા થયા નથી ત્યાં જ ગટરનાં ઢાંકણ તૂટવા માંડ્યા હોવાની જાણકારી મળી રહી 

 છે. સ્થાનિકોમાં ચર્ચા છે કે કામમાં હલકી કક્ષાનું મટીરીયલ વપરાયું હોવાની શક્યતા છે.

સ્થાનિક લોકો આક્ષેપ મુજબ અગાઉ પણ રોડ પહોળો કરવા માટે નવી બનાવેલ ગટર પરંતુ તોડી પાડવામાં આવી હતી અને હવે બીજી વખત નવી ગટર બનાવવામાં આવી છે. વારંવાર ગટર તોડવા અને ફરી બનાવવા કારણે પ્રજાના ટેક્સનાપૈસાનો દુરુપયોગ થતો હોવાની વાતો લોકો લોકમુખે ચાલી રહી છે.

સ્થાનિક નાગરિકોએ સંબંધિત વિભાગ દ્વારા ગુણવત્તાની તપાસ કરી જવાબદારી નક્કી કરવા અને મજબૂત કામ કરાવાની સ્થાનિક લોકોની માગણી છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

સત્યા દૂધની ફેકટરીમાં બનતુ નકલી દૂધ સ્થાનિક સહિત અન્ય સ્થળે વેચાતુ હતુ.

0 0

રિપોર્ટ :- જીગ્નેશ સોની હિંમતનગર

મુખ્ય સંચાલક નજીકના ગામોમાંથી પ૦૦ લીટર દૂધ ખરીદી કેમિકલ ઉમેરી ૧૭૦૦ લીટર દૂધ અને છાસ બનાવી લોકોના આરોગ્ય સાથે ચેડા કર્યા

પ્રાંતિજ તાલુકાના સલાલની સીમમાં થોડાક સમય અગાઉ ચાલતી નકલી દૂધની ફેકટરી ઝડપી લીધા બાદ મુખ્ય સંચાલક સહિત અન્ય પાંચ કર્મચારીઓ વિરૂધ્ધ નોંધાયેલી ફરીયાદ બાદ બે દિવસ અગાઉ એલસીબીએ મુખ્ય સૂત્રધારને ઝડપી લીધો હતો ત્યારબાદ રીમાન્ડ દરમ્યાન કરાયેલી પુછપરછમાં તેણે આસપાસના ગામોમાંથી અંદાજે પ૦૦ લીટર દૂધ ખરીદીને સત્યા ફેકટરીમાંં લાવી તેમાં કેમિકલ તથા પાણી ઉમેરીને અંદાજે ૧૭૦૦ લીટર દૂધ અને છાસ સ્થાનિક વેપારીઓને તથા મહેસાણા સહિત ગાંધીનગર અને અમદાવાદમાં વેચીને તગડો નફો કમાતો હતો.

આ અંગે એસસી-એસટી સેલના ડીવાયએસપી કુલદીપ નાયીએ શનિવારે એક વાતચીતમાં જણાવ્યું હતું કે સત્યા ડેરીનો સંચાલક રાકેશ પટેલ ઉર્ફે ધમો પોતાની ફેકટરીમાં નકલી દૂધ બનાવવા માટે સ્થાનિક તથા આસપાસના ગામડાના દૂધ ઉત્પાદકો પાસેથી રોજબરોજ પ૦૦ લીટર દૂધ ખરીદીને ફેકટરીમાં લાવતો હતો ત્યારબાદ તેમાં ડીટરજન્ટ પાઉડર, યુરીયા ખાતર સહિત કેમિકલ અને પાણીનું મિશ્રણ કરી તેમાંથી ૧૭૦૦ લીટર દૂધ અને છાસ તૈયાર કર્યા બાદ પોતાના વાહનોમાં ભરી સલાલ, મોયદ, વિજાપુર, ગાંધીનગર સહિત અન્ય ઠેકાણે પોતાના વાહનોમાં નકલી દૂધ અને છાસ વેચવા માટે મોકલતો હતો.

પુછપરછ દરમ્યાન રાકેશ પટેલે પોલીસ સમક્ષ આપેલી જુબાની મુજબ તે વધુ પૈસા કમાવવા માટે જમીનો અને મકાનની દલાલી કરતો હતો અત્યાર સુધી પોલીસે અંદાજે રૂ.૧૧ લાખથી વધુનો મુદ્દામાલ કબ્જે લીધો છે. એટલુ જ નહીં પણ બે દિવસ અગાઉ તેને ઝડપી લીધા બાદ પ્રાંતિજ કોર્ટમાં રજુ કરવામાં આવ્યો હતો જયાં ન્યાયાધિશે બે દિવસના રીમાન્ડ મંજુર કર્યા હતા.જે રવિવારે બપોરે બે વાગે પૂર્ણ થશે હવે જરૂર પડે તપાસનીશ અધિકારીઓ જરૂરી વિગતો મેળવવા માટે કાર્યવાહી કરશે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ગુલાબની મુવાડી પાસેની ફેક્ટરીમાંથી એલ્યુમિનિયમ ની ચોરી કરનાર ગેંગના ચાર સભ્યો પકડાયા. સાબરકાંઠા એલસીબીએ ૭.૩૧ લાખના મુદ્દામાલ કબજે લઈ અન્ય છ વિરૂધ્ધ ફરીયાદ નોંધાવી.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના તલોદ પોલીસ સ્ટેશનની હદમાં આવેલ ગુલાબની મુવાડીની સીમ સ્થિત એક એલ્યુમિનીયમની ફેકટરીમાંથી ત્રણેક દિવસ અગાઉ એલ્યુમિનીયમના અંદાજે રૂા. ૩.૩૩ લાખથી વધુની કિંમતના ગઠ્ઠાની ચોરી થયાની ફરીયાદ તલોદ પોલીસ સ્ટેશનમાં નોધાયા બાદ સાબરકાંઠા એલસીબીએ તપાસનો દોર લંબાવીને બાતમીને આધારે તથા સીસીટીવી ફૂટેજ તપાસીને એલ્યુમિનીયમની ચોરી કરનાર ચાર જણાને જોરાજીના મુવાડા ગામની સીમમાંથી પસાર થતી નદીના પટમાંથી મુદ્દામાલ સાથે ઝડપી લીધા હતા. ત્યારબાદ એલસીબીએ પકડાયેલા ચારેયની પુછપરછ કર્યા બાદ ચોરીમાં સંડોવાયેલા અન્ય છ મળી ૧૦ જણા વિરૂધ્ધ શુક્રવારે તલોદ પોલીસ સ્ટેશનમાં ફરીયાદ નોંધાવી અંદાજે રૂા. ૭.૩૧લાખનો મુદ્દામાલ કબજે લીધો હતો.

આ અંગે એલસીબીના પી.આઈ ડી.સી.સાકરીયા, પી.એસ.આઈ એસ.જે.ચાવડા, આર.કે.જોષી, આર.જે.જાડેજાના જણાવાયા મુજબ ત્રણેક દિવસ અગાઉ ગુલાબની મુવાડીની સીમમાં આવેલ એન્ટીક એકસટ્રુઝન ફેકટરીમાંથી અજાણ્યા શખ્સો રૂા. ૩,૩૩,૭પ૦ ના એલ્યુમિનીયના ગઠ્ઠાની ચોરી કરી લઈ ગયાની ફરીયાદ તલોદ પોલીસ સ્ટેશનમાં નોંધાયા બાદ જિલ્લા પોલીસવડા ડો.પાર્થરાજસિંહ ગોહિલે ગુનાનો ભેદ ઉકેલવા માટે એલસીબીના સ્ટાફને કામે લગાડયો હતો. ત્યારબાદ એલસીબીના અધિકારીઓએ સીસીટીવી ફૂટેજ તથા ટેકનીકલ સર્વેલન્સ અને બાતમીને આધારે તપાસ શરૂ કરી હતી.

ત્યારબાદ એલસીબીના સ્ટાફે ચોરી કરનારા ચાર સહિત અન્ય છ જણાની સંડોવણી હોવાનું માલુમ પડયું હતુ. જે આધારે જોરાજીના મુવાડા ગામની સીમમાં આવેલ લુણી નદીના પટ પાસે એલ્યુમિનીયમના ગઠ્ઠા ભરેલ ડાલુ અન્યને વેચવા માટે આ ચારેય જણા ફિરાકમાં હતા ત્યારબાદ એલસીબીએ શકને આધારે ગાંધીનગર જિલ્લાના દહેગામ તાલુકાના હરસોલી ચોકડી તથા પેથાપુરના મળી ચારેય જણાની અટકાયત કરી પુછપરછ શરૂ કરી હતી. જેમા આ પકડાયેલા ચારેય જણાએ ગુલાબની મુવાડીની સીમમાં આવેલ એલ્યુમિનીયમની ફેકટરીમાં ચોરી કરી હોવાની કબૂલાત કર્યા બાદ પોલીસે રૂા. ૩,૩૩,૭પ૦ ના એલ્યુમિનીયમની ૩૭ ગઠ્ઠા, રૂા.૩લાખના પીકઅપડાલુ નં. જીજે૧૮બીડબલ્યુ ૧ર૮પ, રૂા.૧૮ હજારના બે મોબાઈલ, રૂા.૮૦ હજારના બે બાઈક અને એકટીવા મળી અંદાજે રૂા. ૭,૩૧,૭પ૦ નો મુદ્દામાલ કબજે લઈ પકડાયેલા ચાર તથા નહી પકડાયેલા છ મળી દસેય વિરૂધ્ધ શુક્રવારે તલોદ પોલીસ સ્ટેશનમાં ફરીયાદ નોંધાવી હતી.

• કોણ ઝડપાયા ..  

– વિજયભાઈ કૈલાસભાઈ રામાભાઈ ભરથરી (રહે. હરસોલી ચોકડી, દહેગામ, મૂળ રહે. સિહોલી, હિંમતનગર), 

– પિન્ટુભાઈ વિરચંદભાઈ લક્ષ્મણભાઈ વાઘેલા (દેવીપૂજક) (રહે. હરસોલી ચોકડી, દહેગામ, મૂળ રહે. રમોસ (ઝાંજરી), બાયડ)

– સંજયભાઈ મોતીભાઈ અભાભાઈ દેવીપૂજક (રહે. હરસોલી ચોકડી, દહેગામ) 

– અજયકુમાર ઉર્ફે મુત્રો પ્રતાપભાઈ મંગાભાઈ ભરથરી (રહે. પેથાપુર, વાકોલ ત્રણ જોડિયા, ગાંધીનગર) 

• પકડવાના બાકી આરોપી 

કિશનભાઈ ગણપતભાઈ ભરથરી,

શની ગણપતભાઈ ભરથરી 

મનોજ મંગળભાઈ રાવળ (દેવીપૂજક)

સચિનભાઈ ઉર્ફે સેધો રમેશભાઈ ભરથરી (તમામ રહે. હરસોલી ચોકડી, દહેગામ)

સાહીલ ભરથરી (રહે. વગદા (વડગામ), પાલનપુર)

રાજેશ મોતીભાઈ અભાભાઈ દેવીપૂજક (રહે. હરસોલી ચોકડી, દહેગામ)

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

લગ્ન નોંધણીમાં હાઇકોર્ટનો મોટો ચુકાદો, ‘પુખ્ત વયની પુત્રીને જીવનસાથી પસંદ કરવાનો અધિકાર’.

0 0

ભારતીય બંધારણ એક વિસ્તૃત દસ્તાવેજ છે જેમાં કાયદો ઘડવા થી લઇ ને કાયદાની ગુંચવણ કે આંટીઘૂંટી ઉકેલવાની એક ચાવી છે. એટલે બંધારણ થી વિપરીત કોઈ નિયમ સંભવી શકતો નથી ત્યારે ગુજરાત લગ્ન નોંધણી અધિનિયમ 2006 ની પદ્ધતિ સુધારવા અંગે ખરડો પસાર કરી જનતાની વાહવાહી લૂંટવાના પ્રયાસ માં દિલ્હી હાઈ કોર્ટ ની જેમ ગુજરાત હાઈ કોર્ટે પણ લપડાક મારી છે.

વ્યક્તિ સ્વતંત્રતા ના મૌલીક અધિકાર ને માન્ય રાખી પુખ્ત વય ની વ્યક્તિ ને પોતાના જીવન સાથી ની પસંદગી કરવા કોઈ રોકી શકે નહી તેવો સ્પષ્ટ ચુકાદો આપ્યો છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

હિંમતનગર પાલિકાનું વર્ષ ર૦ર૬-ર૭નું રૂ.૧૩૬ કરોડનું વિકાસલક્ષી બજેટ મંજુર કરાયું. વિપક્ષે બજેટને આંકડાની માયાજાળ વાળુ ગણાવ્યું.

0 0

રિપોર્ટ :- જીગ્નેશ સોની હિંમતનગર 

હિંમતનગર નગરપાલિકાની બજેટ બેઠક શુક્રવારે હિંમતનગરના બદલે ૩પ કી.મી. દુર આવેલ એક ખાનગી ફાઇવ ટાર રીસોર્ટમાં યોજાઈ હતી જેમાં પાલિકાનું અંદાજે રૂ.૧૩૬ કરોડના આ બજેટને ચર્ચાને અંતે મંજુરીની મહોર મારવામાં આવી હતી. બજેટમાં શહેરીજનો માટે પાણી, ગટર, ટાઉન પ્લાનીંગ સહિતના અન્ય વિભાગો માટે બજેટમાં જોગવાઈ કરાઈ છે. જયારે વિપક્ષના નેતાએ નવીન સમાવિષ્ટ વિસ્તારોની અવગણના કરાઈ હોવાનો આક્ષેપ કરીને આ બજેટને આંકડાની માયાજાળ વાળુ ગણાવ્યું છે.નવા સમાવિષ્ટ વિસ્તારોમાં પાયાની સુવિધાઓ આપવામાં ભેદભાવ રખાયાનો આક્ષેપ.

વર્ષ ર૦ર૬-ર૭ના બજેટ રજુ કરવા અને મંજુર કરવા માટે શુક્રવારે આડાહાથરોલની સીમમાં આવેલ એક ફાઇવ સ્ટાર મોંઘાદાટ રીસોર્ટમાં સામાન્ય સભાનું આયોજન કરવામાં આવ્યું હતું તો બીજી તરફ સામાન્ય સભા હિંમતનગરમાં યોજવાને બદલે અન્ય સ્થળની પસંદગી કરાતાં પાલિકાના પદાધિકારીઓના નિર્ણયને ટીકાપાત્ર ગણાઈ રહયો છે. દરમ્યાન વર્ષ ર૦ર૬-ર૭ના બજેટમાં રૂ.૧૩૬ કરોડની વિવિધ જોગવાઈઓ સાથે વિકાસ કાર્યો માટે ફાળવવામાં આવેલ સુચિત રકમ અંગે સત્તાધારી અને વિપક્ષના સભ્યોની ઉપસ્થિતિમાં ચર્ચા કરવામાં આવી હતી. બજેટ બેઠક દરમ્યાન ચાલુ વર્ષના રૂ.૧૩૬ કરોડની જોગવાઈ કરાઈ છે ત્યારે તેમાં બંધ સિલક રૂ.૬.૪૬ કરોડ બતાવાઈ છે જયારે ઉઘડતી સિલક અંદાજે રૂ.ર૪,૩૮,પ૯,૦૦૦ બતાવાઈ છે.

પાલિકાના બજેટમાં આ વખતે પાણી પુરવઠા વિભાગને રૂ.૧૦,૬૯,પ૦,૦૦૦ ખર્ચ અંદાજવામાં આવ્યો છે, બાંધકામ માટે પાલિકાએ વર્ષ ર૦ર૬-ર૭માં રૂ.૮,૩ર,૦૦,૦૦૦ના ખર્ચનો અંદાજ રાખ્યો છે, સાથો સાથ ગટર, ટાઉન પ્લાનીંગ, દિવાબત્તી, બગીચા સહિતના અન્ય વિભાગો માટે પણ વિશેષ ખર્ચની જોગવાઈ કરાઈ છે ત્યારે બજેટની ચર્ચા દરમ્યાન સત્તાધારી અને વિપક્ષના સભ્યો વચ્ચે બોલાચાલી થઈ હતી. જોકે વિપક્ષના નેતાએ નવીન સમાવિષ્ટ કરાયેલા વિસ્તારોમાં પાણી, પાકા રસ્તા, સ્ટેટ લાઈટ, ગટર અને સફાઈ જેવી સુવિધાઓ યોગ્ય રીતે ન મળતી હોવાનો આક્ષેપ કરીને સત્તાધારી પક્ષને આવા વિસ્તારો માટે પ્રાથમિકતા આપવી જોઈએ તેવી માંગ કરી હતી. 

ઉલ્લેખનીય છે કે શુક્રવારે યોજાયેલ બજેટ બેઠક વર્તમાન પદાધિકારીઓ માટે છેલ્લી હોવાને કારણે શહેરીજનોની વાહવાહી મેળવવા માટે ભરપુર પ્રયાસ કરાયા હોવાનું નિષ્ણાંતોનું કહેવું છે. 

પાલિકાના બજેટની આંકડાકીય વિગતો

•    આવક રકમ 

નગરપાલિકા કરવેરા ૧૯,૦૧,૦૦,૦૦૦

કરવેરા સિવાયની મિલ્કતોમાંથી થતી આવક ૫૨,૦૦,૦૦૦

ફીની આવક ૬૪,૫૦,૦૦૦

અન્યઆવક ૩,૮૭,૦૫,૦૦૦

પાણી પુરવઠા ૩,૦૦,૦૦૦

બગીચા વિભાગ ૨,૧૩,૦૦,૦૦૦

ગટર વિભાગ ૬,૦૦,૦૦૦

શિક્ષણ વિભાગ ૩,૦૦,૦૦૦

સીટી બસ વિભાગ ૧૮,૦૦,૦૦૦

એમ્બ્યુલન્સ વિભાગ ૨,૦૦,૦૦૦

ફાયર વિભાગ ૪,૨૦,૦૦૦

ટાઉન હોલ ૧૫,૦૦,૦૦૦

એન.યુ.એલ.એમ. યોજના ૩૫,૦૦,૦૦૦

આરોગ્ય ૧૬,૭૦,૦૦૦

અનુદાન ૭૦,૫૦,૦૫,૦૦૦ 

ગલ્લા વિભાગ (શોપીંગ-દુકાનો) ૫,૨૨,૦૦,૦૦૦

ટાઉન પ્લાનીંગ ૩,૪૦,૦૦,૦૦૦

દેવા વિભાગ ૫,૨૮,૯૧,૦૦૦

કુલ ૧૧૧,૬૧,૪૧,૦૦૦

ઉઘડતી સિલક ર૪,૩૮,પ૯,૦૦૦

કુલ સરવાળો ૧૩૬,૦૦,૦૦,૦૦૦

• ખર્ચ રકમ રૂપિયા

સામાન્ય વિભાગ – પગાર ખર્ચ ૨,૨૨,૦૦,૦૦૦

સામાન્ય વહીવટ ૭,૬૮,૮૦,૦૦૦

પરચુરણ ખર્ચ ૧,૫૦,૪૦,૦૦૦

દિવાબત્તી ૨,૩૦,૦૦,૦૦૦

પાણીપુરવઠા ૧૦,૬૯,૫૦,૦૦૦

બગીચા ૮૮,૦૦,૦૦૦

ગટર ૪,૩૫,૦૫,૦૦૦

શિક્ષણ ૬,૭૫,૦૦૦

સીટીબસ ૮૬,૫૦,૦૦૦

એમ્બ્યુલન્સ ૭,૫૦,૦૦૦

ફાયરબ્રિગ્રેડ ૫,૭૦,૦૦,૦૦૦

ટાઉન હોલ ૧૩,૨૦,૦૦૦

એન.યુ.એલ.એમ. યોજના ૪૦,૦૦,૦૦૦

આરોગ્ય ૯,૩૨,૦૦,૦૦૦

બાંધકામ ૮,૩૨,૦૦,૦૦૦

અનુદાન ૬૨,૫૦,૩૦,૦૦૦

ટાઉન પ્લાનીંગ ૧,૮૭,૪૦,૦૦૦

મિકેનિકલ ૫,૦૦,૦૦,૦૦૦

દેવા વિભાગ ૫,૬૪,૬૦,૦૦૦

કુલ ૧,૨૯,૫૪,૦૦,૦૦૦

બંધ સિલક ૬,૪૬,૦૦,૦૦૦

કુલ સરવાળો ૧૩૬,૦૦,૦૦,૦૦૦

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

બડોલીની સગીરા સાથે દુષ્કર્મ કરનાર નરાધમને ૨૦ વર્ષની સજા. ભોગ બનનારને વિક્ટીમ કોમ્પનસેશન અન્વયે વળતર ચૂકવવા હુકમ કરાયો.

0 0

રિપોર્ટ:- જીગ્નેશ સોની હિંમતનગર

સાબરકાંઠા જિલ્લાના ઇડર તાલુકાના બડોલી ગામે રહેતી એક સગીરાને ચાર વર્ષ અગાઉ ગામના જ એક શખ્સે લલચાવી ફોસલાવી વાલીપણામાંથી અપહરણ કરી ગયા બાદ આ સગીરાને કચ્છ જિલ્લામાં આવેલી એક સ્થળે ભાડાના મકાનમાં રાખી સગીરાની મરજી વિરૂધ્ધ દુષ્કર્મ કર્યાની ફરિયાદ તત્કાલિન સમયે ઇડર પોલીસ સ્ટેશનમાં નોંધાવાઇ હતી. જેની તપાસ પૂર્ણ થયા બાદ ઇડર કોર્ટમાં ચાર્જશીટ રજૂ કરાઇ હતી. જેનો અંતિમ ચુકાદો શુક્રવારે આવી જતાં ન્યાયાધીશે દુષ્કર્મ કરનાર બડોલીના રહીશને વિવિધ કલમોને આધીન રહી ૨૦ વર્ષની સખ્ત કેદની સજા અને વિક્ટીમ કોમ્પનશેસન અન્વયે વળતર ચુકવવાનો હુકમ કર્યો હતો.

આ અંગે ઇડરના સરકારી વકીલના જણાવ્યા મુજબ ગત તા.૨૬-૨-૨૦૨૪ના રોજ બડોલીના ચામુંડાનગરમાં રહેતા એક પરિવારની સગીરાને ગામના જ મનોજ ઉર્ફે મનુભાઇ ગોવિંદભાઇ સુરતી (ઠાકોર) વાલીપણામાંથી લલચાવી ફોસલાવી અપહરણ કરી લઇ ગયો હતો. ત્યારબાદ આ સગીરાને કચ્છના ભચાઉ તાલુકાના સામખ્યારી ગામે લઇ જઇ ભાડાના મકાનમાં રહેતો હતો. જયાં મનોજ સુરતીએ સગીરાની મરજી વિરૂધ્ધ વારંવાર દુષ્કર્મ કર્યુ હતુ. જે અંગેની ફરિયાદ તત્કાલિન સમયે ઇડર પોલીસ સ્ટેશનમાં નોંધાવાઇ હતી. 

ત્યારબાદ પોલીસે સમગ્ર ગુનાની તપાસ કરીને ચાર્જશીટ ઇડર કોર્ટમાં રજૂ કરી હતી. કોર્ટના ન્યાયાધીશે સુનાવણી દરમિયાન રજૂ કરાયેલા આધારપુરાવાઓને ગ્રાહ્ય રાખી દુષ્કર્મ કરનાર મનોજ સુરતીને કાયદાની વિવિધ કલમોને આધારે તકસીરવાન ઠરાવી ૨૦ વર્ષની સખ્ત કેદની સજા અને રૂપિયા ૧૦ હજારનો દંડ ફટકાર્યો હતો. તેમજ ભોગ બનનાર સગીરાને રૂપિયા ૩૫ હજાર વળતર તથા વિક્ટીમ કોમ્પનસેશન અન્વયે ભોગ બનનાર સગીરાને ચુકવી આપવા માટે હુકમમાં નોંધ કરી છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

રણાસણ ત્રણ રસ્તા નજીકથી દારૂ ભરીને જતી ટ્રક પકડાઈ. રૂા. ૬૮.૭૭ લાખની દારૂની ૪૭૧ પેટી પકડાઈ. ટ્રકના ચાલકની અટકાયત કરાઈ 

0 0

રિપોર્ટ:- જીગ્નેશ સોની હિંમતનગર

સાબરકાંઠા જિલ્લામાં છેલ્લા કેટલાક દિવસથી બુટલેગરો પોલીસને થાપ આપી લાખો રૂપિયાનો પાસ પરમીટ વિનાનો દારૂનો જથ્થો ભરીને ગુજરાતમાં પ્રવેશી અન્ય સ્થળે મોકલી રહ્યા છે ત્યારે બુધવારે રાત્રે ગાંભોઈ પોલીસ સ્ટેશનની હદમાં આવેલ રણાસણ ત્રણ રસ્તા નજીકથી પસાર થઈ રહેલ એક ટ્રકના ચાલકે ખોટી બિલ્ટીઓ બનાવી ટ્રકમાં લાકડાના પાટીયાની આડમાં લઈ જવાતા અંદાજે રૂા. ૬૮.૭૭ લાખની કિંમતની ૪૭૧ પેટીમાં રખાયેલ ૭ર૭ર દારૂની બોટલો એલસીબીએ કબજે લીધી હતી. ત્યારબાદ એલસીબીએ અંદાજે રૂા. ૮૮.૮ર લાખનો મુદ્દામાલ કબજે લઈ ટ્રક ચાલકની અટકાયત કરી દારૂની હેરાફેરીમાં સંડોવાયેલ અન્ય એક વિરૂધ્ધ ગુરૂવારે ગાંભોઈ પોલીસ સ્ટેશનમાં ફરીયાદ નોંધાવી હતી.

જિલ્લા પોલીસવડા ડો.પાર્થરાજસિંહ ગોહિલ ની સૂચનાથી એલસીબીના પી.આઈ ડી.સી.સાકરીયા પીએસઆઇ એસ.જે ચાવડા,પીએસઆઇ રવિરાજસિંહ જાડેજાની ટીમના અમૃતભાઈ દેસાઈ, જીગ્નેશભાઈ બુધવારે રાત્રે ગાંભોઈ પોલીસ સ્ટેશનની હદમાં પેટ્રોલીંગમાં હતા ત્યારે એવી બાતમી મળી હતી કે રાજસ્થાન તરફથી આવી રહેલ ટ્રક નં. આરજે૩૭જીએ ર૭પ૧નો ચાલક પાચારામ ખેતારામ ગોદારા જાટ (રહે. ચાડાર, જી.બાડમેર) પોતાના ટ્રકમાં ખોટી બિલ્ટીઓ બનાવી ટ્રકમાં અગાઉથી જ ગોઠવી દીધેલ લાકડાના પાટીયા નીચે પાસ પરમીટ વિનાનો દારૂનો જથ્થો લઈ ગુજરાતમાં પ્રવેશી રહ્યો છે.જે આધારે એલસીબીએ તરત જ ગાંભોઈ પોલીસ સ્ટેશનની હદમાં આવેલ રણાસણ ત્રણ રસ્તા પાસે વાહનચેકિંગ શરૂ કર્યું હતુ.

દરમ્યાન આવી રહેલ ટ્રકને રોકી ચાલકની પુછપરછ કરતાં તેણે ટ્રકમાં કેબલના રોલ ભરેલ હોવાનું જણાવ્યું હતુ. ત્યારબાદ પોલીસને શક જતાં ટ્રકમાં ભરેલ માલનું ચેકિંગ શરૂ કર્યું હતુ. જેમાં કેબલના ત્રણરોલ બોડી સાથે ફિટ કરેલ હતા અને રોલના ઉપરના ભાગે બોલ્ટ લગાવેલ હતા. જે ખોલ્યા બાદ પોલીસે ટ્રકમાં તપાસ કરતાં ફિટ કરેલ તથા કાપીને ગોઠવેલ પાઈપોને હટાવી ટ્રકમાંથી અંદાજે રૂા. ૬૮.૭૭ લાખની પાસ પરમીટ વિનાની વિદેશી દારૂની ૪૭૧ પેટીમાં રખાયેલ ૭ર૭ર બોટલો મળી આવી હતી.

ત્યારબાદ એલસીબીએ ટ્રકના ચાલક પાચારામ જાટની કડક પુછપરછ કરીને દારૂની હેરાફેરી માટેનું પરમીટ રજૂ કરવા જણાવ્યું હતુ. પરંતુ ટ્રકના ચાલકે કોઈ આધાર પુરાવા રજૂ કર્યા ન હતા. જેથી એલસીબીએ દારૂનો જથ્થો તથા ટ્રક મળી અંદાજે રૂા. ૮૮.૮ર નો મુદ્દામાલ કબજે લઈ પાચારામ જાટની અટકાયત કર્યા બાદ પુછપરછમાં બાડમેર જિલ્લાના ઈસરોલ ગામના મહેશ ચૌધરીની સંડોવણી હોવાનું કબૂલ્યું હતુ. જેથી પોલીસે બંને વિરૂધ્ધ ગાંભોઈ પોલીસ સ્ટેશનમાં ગુનો નોંધાવી વિદેશી દારૂ, રૂા. પ હજારનો મોબાઈલ અને રૂા. ર૦ લાખનો ટ્રક કબજે લીધો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

આણંદ જિલ્લાના ભાલેજ પોલીસ સ્ટેશન ખાતે ફરજ બજાવતા ASI મનુભાઈ પરમારના પરિવારે ખાખી વર્દીમાં ઇતિહાસ રચ્યો છે.

0 0

પિતા મનુભાઈ પરમાર આસિસ્ટન્ટ સબ ઇન્સ્પેક્ટર (ASI) તરીકે સેવા આપી રહ્યા છે, જ્યારે પુત્ર દીપક પણ ભાલેજ પોલીસ સ્ટેશનમાં ફરજ પર છે. હવે તેમની બે દીકરીઓ તમન્ના પરમાર અને શીતલ પરમાર PSI બનીને પરિવારનું નામ રોશન કર્યું છે.

તમન્ના પરમાર (2023થી કોન્સ્ટેબલ તરીકે સેવા આપતી) એ PSI પરીક્ષામાં જનરલ મેરિટમાં 46મો અને SC કેટેગરીમાં પ્રથમ ક્રમાંક મેળવી શાનદાર સિદ્ધિ મેળવી.

શીતલ પરમાર, જેઓ 2023માં માત્ર ચાર માર્ક્સથી તક ચૂકી ગયા હતા, પરંતુ હિંમત ન હારતા સતત મહેનત ચાલુ રાખી. આ વર્ષે PSI પરીક્ષામાં જનરલ મેરિટમાં 42મો અને SC કેટેગરીમાં 4થો ક્રમાંક મેળવી ઇતિહાસ રચ્યો.

એક જ પરિવારના ચાર સભ્યો ખાખી વર્દીમાં દેશસેવા માટે સમર્પિત –આ કદાચ પ્રથમ કિસ્સો હશે! 

કાવઠ ગામ સહિત સમગ્ર પરમાર પરિવાર માટે આ ગૌરવની પળ છે અને સમગ્ર ગુજરાત માટે પ્રેરણાદાયક ઉદાહરણ છે.

ખાખી વર્દીની આ ગાથા સાબિત કરે છે કે અથાગ મહેનત, સંકલ્પ અને પરિવારનો સહયોગ હોય તો સફળતા જરૂર મળે છે.

સફળતા તેને જ મળે છે જે પરસેવાથી ન્હાય છે…

નોકરી મહેરબાનીથી નહીં, હિંમત અને લગનથી મળે છે.

ઘર અને નોકરી સાથે સંભાળી આવું શાનદાર પરિણામ લાવવું ખરેખર બિરદાવવા યોગ્ય છે. 

મહેનત હશે તો સફળતા ચોક્કસ મળશે.ખૂબ અભિનંદન અને શુભકામનાઓ!

About Post Author

admin

https://prideofhumanrights.com

Happy

1 100 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ઈડરમાં ગેરકાયદે ધમધમતા કોલ સેન્ટર પર એસએમસીનો દરોડો. ૧ર થી વધુ લેપટોપ, ૧૦ મોબાઈલ સહિત અન્ય સાધન સામગ્રી કબજે લેવાઈ.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના ઈડર ખાતે આવેલ ભરચક વિસ્તાર સ્થિત એક કોમ્પ્લેક્ષમાં છેલ્લા કેટલાક સમયથી ગેરકાયદે ધમધમતા કોલ સેન્ટરમાં ચાલતી ગેરકાયદે પ્રવૃતિઓ અંગે તાજેતરમાં સ્ટેટ વિજીલન્સને કેટલાક આધાર પુરાવા સાથે મળેલી વિગતો બાદ એસએમસીની ટીમે સોમવારે મધરાતે અને મંગળવારે વહેલી પરોઢે ટીમ સાથે આવી ઈડરના આ કોલ સેન્ટર પર દરોડો પાડીને દસ્તાવેજી પુરાવાઓની બંધ બારણે તપાસ હાથ ધરી છે. 

ત્યાબાદ લગભગ ૧પ કલાકથી વધુ તપાસ અને ૧૦ થી વધુ લોકોની સઘન પુછપરછ કરાયા બાદ મંગળવારે સાંજના સુમારે તપાસનીશ અધિકારીઓએ કોલ સેન્ટરમાં સંડોવાયેલા અને કામ કરતાં ૧૦થી વધુ લોકોની પ્રાથમિક ધોરણે અટકાયત કરી હતી.ત્યારબાદ તેમની પાસેથી એસએમસીની ટીમે ૧ર થી વધુ લેપટોપ,૧૦ મોબાઈલ સહિત કોલ સેન્ટરમાં ઉપયોગમાં લેવાતા અન્ય સાધન સામગ્રી કબજે લીધી હતી. 

તપાસની પ્રાથમિક કાર્યવાહી પૂર્ણ થયા બાદ પકડાયેલા આ શખ્સોને ઈડર પોલીસ સ્ટેશનમાં લઈ જવાયા હતા. જેથી હવે પછી તેમની વિરૂધ્ધ જ્યારે પણ ફરીયાદ દાખલ થશે તે પછી એસએમસીની ટીમ પુછપરછ દરમ્યાન કોલ સેન્ટર ક્યારથી કેવી રીતે ? અને કોના આર્શિવાદથી ચાલતું હતુ તેની વિગતો બહાર આવે તો નવાઈ નહી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ગાંભોઈથી બામણા રોડ પરથી રૂા.પ.ર૦ લાખનો દારૂ અને બિયરનો જથ્થો પકડાયો. ટેમ્પાનો ચાલક ટેમ્પો મૂકીને ભાગી ગયો, પોલીસે રૂા. ૧૦.ર૦ લાખનો મુદ્દામાલ કબજે લીધો.

0 0

રિપોર્ટ :- જીગ્નેશ સોની હિંમતનગર

હિંમતનગર તાલુકાના ગાંભોઈ પોલીસ સ્ટેશનની હદમાંથી સ્થાનિક પોલીસે બાતમીને આધારે મંગળવારે બામણા જતાં રોડ પરથી એક ટેમ્પામાં ભરી ગેરકાયદે હેરાફેરી કરાઈ રહેલ અંદાજે રૂા. પ.ર૦ લાખની કિંમતની ૧૪૭૬ દારૂ અને બિયરની બોટલો કબજે લઈ ભાગી ગયેલ ટેમ્પોના ચાલક વિરૂધ્ધ ગાંભોઈ પોલીસ સ્ટેશનમાં ગુનો દાખલ કરવામાં આવ્યો હતો.

આ અંગે ગાંભોઈના પી.આઈ એસ.જે.ગોસ્વામી તથા સ્ટાફના પો.કો સુરેશભાઈ ના જણાવાયા મુજબ મંગળવારે તેમને એવી બાતમી મળી હતી કે ભિલોડા તરફથી એક ટેમ્પામાં પાસ પરમીટ વિનાનો દારૂનો જથ્થો ગાંભોઈ તરફ લવાઈ રહ્યો છે જે આધારે ગાંભોઈ પોલીસે આડા હાથરોલની સીમમાં વોચ ગોઠવી હતી. દરમ્યાન બાતમી મુજબ આવી રહેલ ટેમ્પો નં. જીજેર૭ટીડી પ૦પ૯ને અટકાવવા માટે પોલીસે ઈશારો કર્યો હતો. પરંતુ ટેમ્પોના ચાલક બામણા ત્રણ રસ્તાથી કોલેજ જતાં રોડની બાજુમાં ટેમ્પો મૂકીને ચાલક ભાગી ગયો હતો.

ત્યારબાદ ગાંભોઈ પોલીસે ટેમ્પાની બોડીમાં બનાવેલ ગુપ્ત ખાનામાંથી ૧૪૭૬ બિયર અને દારૂની બોટલો બંધ બોક્સમાંથી ઝડપી લીધી હતી. ત્યારબાદ પોલીસે રૂા. ૧૦.ર૦ લાખનો મુદ્દામાલ કબજે લઈને ગાંભોઈ પોલીસે આગળની કાર્યવાહી હાથ ધરી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %