આગીયોલની યુવતીને દહેજ મામલે ત્રાસ અપાતાં છ વિરૂધ્ધ ફરીયાદ.

0 0

રિપોર્ટ‌ :- જીગ્નેશ સોની હિંમતનગર

હિંમતનગર તાલુકાના ગાંભોઈ પોલીસ સ્ટેશનની હદમાં આવેલ આગીયોલ ગામની એક યુવતીના લગ્ન બે વર્ષ અગાઉ સુરત જિલ્લાના નાનીનરોલી ગામના એક પરિવારના યુવાન સાથે કરાયા બાદ ગમે તે કારણસર સાસરીયાઓએ દહેજની માંગણી કરી જાનથી મારી નાખવાની ધમકી આપી હોવાના આક્ષેપ સાથે આ યુવતીએ ગુરૂવારે તેમની વિરૂધ્ધ ગાંભોઈ પોલીસ સ્ટેશનમાં ફરીયાદ નોંધાવી હતી.

આ અંગે હાલ આગીયોલ ગામે રહેતા પ્રિયંકાબેન સોલંકીએ નોંધાવેલી ફરીયાદમાં કરેલા આક્ષેપ મુજબ બે વર્ષ અગાઉ તેણીના લગ્ન નાનીનરોલી ગામના એક પરિવારના યુવાન સાથે કરાયા હતા ત્યારબાદ સાસરી પક્ષના સિધ્ધાર્થ રમેશભાઈ રાઠોડ, રમેશ રવાભાઈ રાઠોડ, પાર્થ રમેશભાઈ રાઠોડ, સુરેખાબેન રમેશભાઈ રાઠોડ, હિતેશ જયંતિભાઈ રાઠોડ અને પાયલ રાઠોડ દ્વારા પ્રિયંકાબેનના પતિ સિધ્ધાર્થ રાઠોડને ચઢામણી કરી દહેજની માંગણી કરી અવાર નવાર શારીરિક અને માનસિક ત્રાસ આપવાનું શરૂ કરાયું હતું.

જેથી કંટળીને પ્રિયંકાબેન સોલંકીએ પિયરમાં આવી સાસરીમાં અપાતાં ત્રાસ અંગે વાકેફ કર્યા હતા અને આખરે પ્રિયંકા બેને સાસરીયા વિરૂધ્ધ ગુરૂવારે ગાંભોઈ પોલીસ સ્ટેશનમાં દહેજ ધારાના ભંગ બદલ ફરીયાદ નોંધાવી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ખેલો ઇન્ડિયા ટ્રાઇબલ ગેમ્સમાં ગુજરાતની ટીમે સિલ્વર મેડલ મેળવ્યો. હિંમતનગરની ટ્વિંકલ હડુલાએ યોગદાન આપ્યું

0 0

રિપોર્ટ :- જીગ્નેશ સોની હિંમતનગર

છત્તીસગઢના રાયપુર ખાતે તાજેતરમાં યોજાયેલી ખેલો ઇન્ડિયા ટ્રાઇબલ ગેમ્સ ૨૦૨૬માં ગુજરાતની ટીમે ૪ બાય ૧૦૦ મીટર ફ્રીસ્ટાઇલ રિલે સ્પર્ધામાં સિલ્વર મેડલ મેળવી ગુજરાત સહિત સાબરકાંઠા અને હિંમતનગરને ગૌરવ અપાવ્યું છે.

રાયપુર ખાતે યોજાયેલ ફ્રીસ્ટાઈલ રિલે સ્પર્ધામાં મેડા દિશા,મહિમા ચૌહાણ, હડુલા ટ્વિંકલ (ડીએલએસએસ હિંમતનગર) અનેપ્રિયાંશી પટેલનો સમાવેશ થાય છે. ખેલાડીઓએ ઉત્કૃષ્ટ ટીમ વર્ક અને મહેનત દ્વારા આ સફળતા મેળવી છે. ખાસ કરીને હિંમતનગરની જિલ્લા કક્ષાની રમતગમત શાળાની ખેલાડી હડુલા ટ્વિંકલનું પ્રદર્શન નોંધપાત્ર રહ્યું હતું. તેમના કોચ હેમલ વર્ધાનીના માર્ગદર્શન હેઠળ ટ્વિંકલે ટીમને સફળતા અપાવવામાં મહત્વપૂર્ણ યોગદાન આપ્યું. સ્વિમિંગ કોચ હેમલ વર્ધાનીએ જણાવ્યું કે ખેલો ઇન્ડિયા ટ્રાઇબલ ગેમ્સ ૨૬ માર્ચ, ગુરુવારથી રાયપુર, છત્તીસગઢ યોજાઈ હતી જે ૩૦ માર્ચ સુધી ચાલશે. આ સ્પર્ધામાં દેશભરમાંથી વિવિધ રમતોમાં કુલ ૧૪૦૦ ખેલાડીઓએ ભાગ લીધો છે. પ્રથમ દિવસે યોજાયેલી ૪ બાય ૧૦૦ મીટર ફ્રી સ્ટાઇલ રિલે સ્પર્ધામાં ૨૦ ખેલાડીઓએ ભાગ લીધો હતો. જેમાં ગુજરાતની ટીમ વિજયી બની અને ચારેય ખેલાડીઓને સિલ્વર મેડલ મળ્યા છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

સાબરકાંઠામાં રામનવમી નિમિત્તે શોભાયાત્રા નિકળી. હિંમતનગર, ઈડર, પ્રાંતિજ સહિતના અન્ય સ્થળે સનાતનપ્રેમીઓ ઉત્સાહભેર જોડાયા.

0 0

રિપોર્ટ :- જીગ્નેશ સોની હિંમતનગર

ચૈત્ર મહિનાના શુક્લ પક્ષની નવમી તિથિએ ભગવાન શ્રીરામના જન્મોત્સવ તરીકે ઉજવાતી રામનવમી નિમિત્તે ગુરૂવારે હિંમતનગર, ઈડર સહિત જિલ્લાના અન્ય સ્થળે સનાતન પ્રેમીઓ તથા વિશ્વ હિન્દુ પરિષદના નેજા હેઠળ શોભાયાત્રાનું સફળ આયોજન કરાયું હતું જે અંતર્ગત હિંમતનગરના છાપરીયા વિસ્તારમાંં આવેલ રામજી મંદિરથી ચાર વાગ્યાના સુમારે નિકળેલી શોભાયાત્રામાં જોડાયેલી પ્રજાએ જય શ્રી રામના નારા સાથે પ્રસ્થાન કરી નિર્ધારીત રૂટ પર આગળ વધી હતી ત્યારબાદ આ શોભાયાત્રા ટાવર ચોક થઈ જુના બજાર પોલીસવડા કચેરીથી આગળ નિકળી હતી જે મહેતાપુરામાં આવેલ રામજી મંદિર ખાતે પૂર્ણ થઈ હતી. જયાં મહાઆરતી અને પ્રસાદનું આયોજન કરાયું હતું. શોભાયાત્રા દરમ્યાન પોલીસનો ચુસ્ત બંદોબસ્ત હોવાને કારણે યાત્રા સુખરૂપ સંપન્ન થઈ હતી. તેજ પ્રમાણે ઈડર, પ્રાંતિજ, તલોદ, વડાલી, ખેડબ્રહ્મા, વિજયનગર અને પોશીનામાં પણ રામનવમી નિમિત્તે શોભાયાત્રા નિકળી હતી.

હિંમતનગરના છાપરીયા વિસ્તારમાંથી નિકળેલી આ શોભાયાત્રાના રૂટ પર અનેક લોકોએ સ્વાગત કર્યું હતું. સાથો સાથ યાત્રામાં ભગવાન શ્રી રામ,સીતા અને લક્ષ્મણની પ્રતિકૃતિના ટેબ્લો જોડાયા હતા તેમજ બજરંગદળ, વિહિપના કાર્યકરો તથા સ્થાનિક પ્રજાની ઉપસ્થિતિમાં શોભાયાત્રા ટાવર ચોક આવી પહોંચી હતી. જયાં થોડીક વાર રોકાયા બાદ નિર્ધારીત રૂટ પર એટલે કે જુના બજાર થઈ આગળ પહોંચી હતી. જિલ્લા પોલીસવડા કચેરી ખાતે યાત્રામાં જોડાયેલી ધર્મપ્રેમી જનતા માટે પીવાના પાણીની વ્યવસ્થા કરાઈ હતી.

તો બીજી તરફ રામનવમી નિમિત્તે ઇડરના રામજી મંદિરેથી સવારે ૧૦ વાગ્યે પોલીસ બંદોબસ્ત વચ્ચે શોભાયાત્રાએ પ્રસ્થાન કર્યું હતું. જે શોભાયાત્રા શહેરના મેઇન બજાર,તિરંગા સર્કલ થઈ ધુળેટા દરવાજા ખાતે આવી પહોંચતા રામધૂન ચોક ખાતે વિરાટ ભગવો ધ્વજ પ્રસ્થાપિત કરાયા બાદ આતશબાજી કરાઈ હતી.એટલુ જ નહીં પણ સાધુ-સંતોની ઉપસ્થિતિમાં ભગવાન શ્રીરામની મહાઆરતી ઉતારવામાં આવી હતી.આરતી બાદ શોભાયાત્રા ફરી બજાર માર્ગે થઈ નિજ મંદિરે કોઈપણ વિઘ્ન વિના પરત ફરી હતી.

આ શોભાયાત્રામાં મહંત મહાકાલગીરી દેવ, મહંત મંગલપુરીરામ તેમજ લાલોડાના મહંત સહિત અનેક સાધુ-સંતોએ હાજરી આપી હતી. પોલીસ વિભાગ તરફથી પણ પૂરતો બંદોબસ્ત ગોઠવવામાં આવ્યો હતો, જેમાં ડીવાયએસપી સ્મિત ગોહિલ અને પીઆઈ એ.જી.રાઠોડ, પી એસ આઇ વી.આર ચૌહાણ સહિતનો પોલીસ સ્ટાફ જોડાયો હતો. ઇડર નગર ઉત્સવ સમિતિ તેમજ વિશ્વ હિન્દુ પરિષદના આગેવાનો અને કાર્યકરો પણ જોડાયા હતા. શોભાયાત્રામાં પ્રદીપભાઈ ખરાદી, વિષ્ણુભાઈ સગર, નિવૃત્ત શિક્ષક વી.કે. પટેલ, કિશનભાઈ સોની, સંજયભાઈ સોની, શૈલેન્દ્રસિંહ તેમજ પ્રકાશભાઈ પરમાર વિપુલભાઈ લોનવાલા સહિત અનેક આગેવાનો ઉપસ્થિત રહ્યા હતા.

ઉપરાંત રામનવમી નિમિત્તે પ્રાંતિજ, તલોદ, વડાલી, ખેડબ્રહ્મા, પોશીના અને વિજયનગરમાં પણ શોભાયાત્રાનું સફળ આયોજન કરાયું હતું. રામનવમી નિમિત્તે સમગ્ર જિલ્લામાં પોલીસ તંત્ર દ્વારા રર૦૦ પોલીસકર્મીઓની બંદોબસ્ત માટે અગાઉથી જ ગોઠવણી કરી દેવામાં આવી હોવાને કારણે જિલ્લામાં એકંદરે રામનવમી નિમિત્તે નિકળેલી શોભાયાત્રા સુખરૂપ સંપન્ન થઈ હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

પ્રાંતિજમાં અસામાજીક તત્વોનું હિનકૃત્ય. સરદાર પટેલની પ્રતિમાને છાણ લગાવ્યું.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના પ્રાંતિજ ખાતે આવેલ નાનીભાગોળ વિસ્તારમાં મુકાયેલ સરદાર પટેલની પ્રતિમા પર અજાણ્યા શખ્સોએ બુધવારે રાત્રે ગમે તે કારણસર છાણ લગાવ્યું હતું જેને લઈને મુખ્યત્વે પાટીદાર સમાજ તથા નાનીભાગોળ વિસ્તારમાં રહેતા લોકોએ આ કૃત્યને વખોડી કાઢયુ છે તો બીજી તરફ સ્થાનિક પોલીસે આવી સ્થળ નિરીક્ષણ કર્યા બાદ આ વિસ્તારના સીસીટીવી ફુટેજની તપાસ શરૂ કરી છે. 

સૂત્રોમાંથી મળતી માહિતી મુજબ પ્રાંતિજના નાનીભાગોળ વિસ્તારમાં આવેલ પટેલ સમાજવાડી પાસે વર્ષો અગાઉ સરદાર વલ્લભભાઈ પટેલની પ્રતિમાનું અનાવરણ કરાયું હતું. દરમ્યાન બુધવારે રાત્રે અહીં આવેલા અજાણ્યા શખ્સોએ હિનકૃત્ય કરીને પ્રતિમા પર છાણ ચોપડી દીધુ હતું. ત્યારબાદ ગુરૂવારે સ્થાનિક પટેલ સમાજમાં ખબર પડતાં લોકો જોવા માટે ઉમટી પડયા હતા.તો બીજી તરફ પ્રાંતિજ પોલીસ સ્ટેશનમાં ખબર પડતાં પોલીસે આવીને સ્થળ નિરીક્ષણ કર્યું હતું અને આ વિસ્તારમાં લગાવાયેલ સીસીટીવી ફુટેજની ચકાસણી શરૂ કરી હતી. 

સાથો સાથ રામનવમીને લઈને નાનાભાગોળ વિસ્તારમાં તંગદીલી ન ફેલાય તે માટે પોલીસ બંદોબસ્ત પણ વધારી દેવામાં આવ્યો હતો. દરમ્યાન પોલીસનું કહેવું છે કે આવું હિનકૃત્ય કરનારને અમે ઝડપી લેવા માટે પ્રત્યનશીલ છીએ. પટેલ સમાજે પણ આવુ કૃત્ય કરનારને સબક શીખવાડવાની લાગણી વ્યક્તકરી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ઇડરના બડોલીમાં પૈસા બાબતે થયેલો વિવાદ વકર્યો. લઘુમતી સમાજ ટોળા સ્વરૂપે આવતા દેવીપૂજક પરિવારોમાં ભય ફેલાયો આખરે સમાધાનના પ્રયાસ કરાયા.

0 0

રિપોર્ટ :- જીગ્નેશ સોની હિંમતનગર

ઇડર તાલુકાના બડોલી ગામમાં મંગળવારે રાત્રે માત્ર ૪૫૦ રૂપિયાની લેતીદેતી બાબતે થયેલો ઝઘડો મારામારી સુધી પહોંચી ગયો હતો. સામાન્ય નાણાકીય લેતીદેતીના મુદ્દે થયેલી બોલાચાલી ઉગ્ર બનતા એક પક્ષે ઉશ્કેરાઇ જઇ આવી દેવીપૂજક પરિવારો સાથે મારામારી અને તોડફોડ કર્યાની ઘટના પ્રકાશમાં આવ્યા બાદ બુધવારે ઇડર પોલીસે દરમિયાનગીરી કરી મામલો થાળે પાડયો હતો. 

આ અંગેની વિગત એવી છે કે બડોલી ગામે રહેતા કેટલાક દેવીપૂજક પરિવારો પૈકી લઘુમતી સમાજના એક યુવાને દેવીપૂજક પરિવારની એક મહિલા પાસે આવી રૂપિયા ૪૫૦ આપી દેવા માટે કહ્યું હતુ. ત્યારબાદ આ મહિલાએ પૈસા આપવાની તૈયારી બતાવી હતી.તેમ છતાં લઘુમતી કોમના યુવાને અસભ્ય વર્તન કર્યુ હતુ.ત્યારબાદ મામલો ગરમાયો હતો અને કેટલાક લોકોએ આવી દેવીપૂજકોના ઘરોમાં તોડફોડ કરી મારામારી કરી હતી.ત્યારબાદ બુધવારે ઇડર પોલીસે મામલાની ગંભીરતા સમજીને બડોલી ગામે જઇ બન્ને પક્ષો વચ્ચે દરમિયાનગીરી કરીને સમાધાન કરાવવા માટે સમજાવટ કરી હતી. 

તેમ છતાં સામાન્ય બાબતે થયેલી આ બોલાચાલી અને મારામારીને લીધે એક મહિલાને ઇજા થઇ હતી.જેથી તેણીને સારવાર માટે ઇડર સિવિલમાં લવાયા હતા.જયાંથી વધુ સારવાર માટે હિંમતનગર ખસેડાયા હતા. તો બીજી તરફ બન્ને સમાજના અગ્રણીઓએ બેઠક કરી સમાધાન કરાવી દેવા માટે બન્ને પક્ષો વચ્ચે વાતચીત કરવામાં આવી હતી. જેથી કોઇ સત્તાવાર ફરિયાદ નોંધાઇ ન હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

સાબરકાંઠા આજે જિલ્લો રામમય બનશે. હિંમતનગર, ઈડર, વડાલી, પ્રાંતિજ, ખેડબ્રહ્મા, પોશીના, વિજયનગર અને તલોદમાં વિહીપ દ્વારા શોભાયાત્રા નિકળશે.*

0 0

રિપોર્ટ :- જીગ્નેશ સોની હિંમતનગર

હિંમતનગરમાં શોભાયાત્રા પૂર્વે રામજી મંદિરને શણગારાયું. ઈડરમાં રામદ્વારાથી નિકળનારી યાત્રાની તૈયારીઓ પૂર્ણ કરાઈ. સુલેહશાંતિ માટે રર૦૦થી વધુ પોલીસનો બંદોબસ્ત ગોઠવાયો

કુટુંબ પ્રબોધન અને સામાજીક સમરસતાના હેતુ સાથે ગુરૂવારે સાબરકાંઠા જિલ્લામાં હિંમતનગર સહિત જિલ્લાના અન્ય સ્થળે ગુરૂવારે રામનવમી નિમિત્તે શોભાયાત્રાનું વિશ્વ હિન્દુ પરિષદના નેજા હેઠળ આયોજન કરાયું છે. જે અંતર્ગત ગુરૂવારે હિંમતનગર સહિત ઈડર, પ્રાંતિજ, તલોદ, વડાલી, વિજયનગર, પોશીના અને ખેડબ્રહ્મામાં વાજતે ગાજતે શોભાયાત્રા નિકળશે. શોભાયાત્રા દરમ્યાન જિલ્લા પોલીસ તંત્ર દ્વારા રર૦૦થી વધુ અધિકારીઓ અને કર્મચારીઓને બંદોબસ્તની જવાબદારી સોંપાઈ છે. 

આ અંગે વિશ્વ હિન્દુ પરિષદના ઉત્તર ગુજરાતના પ્રાંત મંત્રી નલીન પટેલના જણાવાયા મુજબ ગુરૂવારે હિંમતનગરમાંથી નિકળનારી શોભાયાત્રા છાપરીયા વિસ્તારમાં આવેલ રામજી મંદિરેથી પ્રસ્થાન કરશે તે પૂર્વ બુધવારે છાપરીયામાં આવેલ રામજી મંદિરને શણગારવામાં આવ્યું હતું. ત્યારબાદ શહેરના વિવિધ માર્ગો પર થઈને મહેતાપુરામાં આવેલ રામજી મંદિરમાં સમાપ્ત થશે. જયાં હનુમાન ચાલીસા અને સમૂહઆરતી યોજાશે. વિશ્વ હિંદુ પરિષદ દ્વારા આ માટેની તૈયારીઓ પૂર્ણ કરી દેવાઈ છે. તેજ પ્રમાણે ન્યાય મંદિર વિસ્તારમાં પણ રામનવમી નિમિત્તે શોભાયાત્રાનું આયોજન કરાયું છે.

વિશ્વ હિંદુ પરિષદ, બજરંગદળ, માતૃ શક્તિ અને દુર્ગાવાહિની, હિંમતનગર દ્વારા આયોજિત તથા હિંદુ સમાજ પ્રેરિત આ શોભાયાત્રા ગુરુવારે બપોરે ૩ઃ૩૦ કલાકે છાપરીયા રામજી મંદિરેથી પ્રસ્થાન કરશે.ત્યારબાદ શોભાયાત્રામાં જોડાયેલા સનાતન પ્રેમીઓ વાજતે ગાજતે જોડાઈને જય શ્રી રામના નારા સાથે આગળ વધશે. તેજ પ્રમાણે ઈડરના રામદ્વારા ખાતેથી સવારે ૯ વાગે નિકળનારી આ શોભાયાત્રા બસ સ્ટેન્ડ થઈ શહેરના વિવિધ વિસ્તારોમાં પરિભ્રમણ કરશે. સાથો સાથ પ્રાંતિજમાં યોજાનાર રામનવમી નિમિત્તે આ શોભાયાત્રા નાનીભાગોળથી પ્રસ્થાન કરશે જેમાં લગભગ ૮ર ગામોની ભજન મંડળીઓ જોડાશે.

આ ઉપરાંત ખેડબ્રહ્મામાં સાંજે ૪ કલાકે નિકળનારી શોભાયાત્રા અંબિકા માતાજી મંદિરેથી પ્રસ્થાન કરશે, પોશીનામાં સવારે ૧૦ વાગે નિકળનારી યાત્રા લહેરીપુરા જનસેવાની સામેથી નિકળશે, વિજયનગરમાં બપોરે બે વાગે રામજી મંદિરથી શોભાયાત્રા કાઢવા માટેની તમામ તૈયારીઓ પૂર્ણ કરી દેવાઈ છે.દંતોડમાં સવારે ૮ વાગે પંચમુખી હનુમાનજી મંદિરથી શોભાયાત્રા પ્રસ્થાન કરશે. જિલ્લામાં ગુરૂવારે યોજાનાર શોભાયાત્રા શાંતિપૂર્ણ રીતે સંપન્ન થાય તે માટે જિલ્લા પોલીસવડા, ડીવાયએસપી, પીઆઈ, પીએસઆઈ, કોન્સ્ટે બલ તથા એસઆરપી સહિત પોલીસની વિવિધ પાંખમાં ફરજ બજાવતા કર્મચારીઓ બંદોબસ્તમાં જોડાશે.

• (પોલીસ તંત્ર દ્વારા કેટલો બંદોબસ્ત ગોઠવાયો)

રામનવમી નિમિત્તે સુલેહશાંતિ જળવાઈ રહે તે આશયથી ૦૧ એસપી, ૦૪ ડીવાયએસપી, રર પીઆઈ, ૩પ પીએસઆઈ, ૮૦૦ પોલીસ કોન્સ્ટેબલ, ૮૦૦ હોમગાર્ડ, ૬૦૦ જીઆરડી જવાનો ફરજ બજાવશે એમ પોલીસ સૂત્રોમાંથી જણાવાયું છે સાથો સાથ એસઆરપીની એક કંપની પણ જોડાશે.

• (હિંમતનગરમાંથી નિકળનાર શોભાયાત્રાનો સુચિત રૂટ)

ગુરૂવારે હિંમતનગરના છાપરીયા રામજી મંદિરથી નિકળનારી આ શોભાયાત્રા જૂની જિલ્લા પંચાયત રેલવે ફાટક થઈને ટાવર ચોક પહોંચશે. ત્યાંથી તે નવા બજાર, ગાંધીરોડ થઈને ઇડર સ્ટેટ હાઈવે પર એસપી કચેરી, ન્યાય મંદિર અને મહેતાપુરા ઢાળ પસાર કરીને મહેતાપુરા રામજી મંદિરે પહોંચશે. મહેતાપુરા રામજી મંદિરે સાંજે ૭ કલાકે સમૂહ હનુમાન ચાલીસા અને સમૂહ મહાઆરતીનું આયોજન કરવામાં આવ્યું છે. 

• (શોભાયાત્રાના રૂટ શણગારાયા)

રામનવમીની શોભાયાત્રાને અનુલક્ષીને શોભાયાત્રાના રૂટ પર ધજાઓ લગાવવામાં આવી છે. મહેતાપુરા વિસ્તારમાં બુધવારે રાત્રે યુવકો દ્વારા સર્કલ સહિતના સ્થળો પર ધજાઓ લગાવી દેવામાં આવી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

પ્રાંતિજમાં વોઈસ મેસેજની અદાવત રાખી હુમલો કરતાં બેને ઈજા. સાત વિરૂધ્ધ ફરીયાદ.

0 0

રિપોર્ટ :- જીગ્નેશ સોની હિંમતનગર

પ્રાંતિજ પોલીસ સ્ટેશનની હદમાં આવેલ ભાખરીયા બસ સ્ટેન્ડ આગળ સોમવારે વોઈસ મેસેજ કરવા બાબતે હાઈવે પર આવેલ વણઝારાવાસમાં રહેતા એક યુવાન સાથે સાત જણાએ એકસંપ થઈ આવી ઝઘડો કરી ગડદાપાટુનો માર મારી ઈજા પહોંચાડી જાનથી મારી નાખવાની ધમકી આપી હોવાના આક્ષેપ સાથેની ફરીયાદ પ્રાંતિજ પોલીસ સ્ટેશનમાં નોંધાવાઈ હતી.

આ અંગે વણઝારાવાસમાં રહેતા જુગનાથ ડાહ્યાજી વણઝારાએ નોંધાવેલી ફરીયાદમાં કરેલા આક્ષેપ મુજબ સોમવારે કિરણસિંહ કાળુસિંહ રાઠોડએ વોટ્સઅપ ગ્રુપમાં વોઈસ મેસેજ કર્યો હતો જે બાબતે હિરાજી ડાહ્યાજી વણઝારાએ પુછયુ હતું જેથી તેની અદાવત રાખીને કાળુસિંહ રાઠોડ, હરપાલસિંહ કિરણસિંહ રાઠોડ, સુમિતસિંહ કરશનસિંહ રાઠોડ, અંકિતસિંહ કરશનસિંહ રાઠોડ, હિતેશસિંહ,પાર્થ તથા ઉંમગ પટેલે એકસંપ થઈ આવી જુગનાથ વણઝારા તથા પીરાજીને પકડી ગાળો બોલી ગડદાપાટુનો માર માર્યો હતો. 

એટલુ જ નહીં પણ ઉશ્કેરાયેલા આ સાતેય જણાએ આવેશમાં આવી જઈ હુમલો કરી દશરથજી મગનજી વણઝારાને પણ માર મારી જુગનાથ વણઝારા તથા અન્યને જાનથી મારી નાખવાની ધમકી આપી હતી. જેથી જુગનાથ વણઝારાએ સાતેય વિરૂધ્ધ પ્રાંતિજ પોલીસ સ્ટેશનમાં ફરીયાદ નોંધાવી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

હિંમતનગરના સવગઢમાં વ્યાજખોરોના ત્રાસથી કંટાળતા એક વિરૂધ્ધ ફરીયાદ. વ્યાજના ચક્કરમાં રૂ.૧.૩પ કરોડ ચુકવ્યા હોવા છતાં પઠાણી ઉઘરાણી કરાતી હતી.

0 0

રિપોર્ટ :- જીગ્નેશ સોની હિંમતનગર

હિંમતનગરના સવગઢ-પાણપુર વિસ્તારમાં આવેલ રહેમતનગરમાં રહેતા એક રહીશે આઠ વર્ષ અગાઉ મોટી છાપરીયા કસ્બા મસ્જીદની પાછળ રહેતા એક રહીશ પાસેથી માસિક પાંચ ટકાના વ્યાજે રૂ.પ૦ લાખ લીધા હતા જે રકમ વ્યાજ સાથે ચુકવી દીધી હોવા છતાં વ્યાજે પૈસા આપનારે પૈસા લેનારના ઘરે જઈ વ્યાજે આપેલ પૈસાની ઉઘરાણી કરી જાનથી મારી નાખવાની ધમકી આપી માનસિક અને આર્થિક રીતે હેરાન કરતા હોવાના આક્ષેપ સાથેની ફરીયાદ સોમવારે હિંમતનગર ગ્રામ્ય પોલીસ સ્ટેશનમાં નોંધાવાઈ હતી.

આ અંગે રહેમતનગરમાં રહેતા તૌફીક રજાકભાઈ મેમણએ નોંધાવેલી ફરીયાદમાં કરેલા આક્ષેપ મુજબ વર્ષ ર૦૧૬માં તેમણે મોટી છાપરીયા કસ્બા મસ્જીદની પાછળ રહેતા ફીરોજખાન પઠાણ પાસેથી પાંચ ટકાના માસિક વ્યાજના દરે રૂ.પ૦ લાખ લીધા હતા. પરંતુ તેમના મિત્રને પોતાની જવાબદારી પર આ રકમ અપાવી હોવાથી તૌફીક મેમણ વ્યાજના ચક્કરમાં ફસાઈ ગયા હતા.

ત્યારબાદ તૌફીક મેમણ અને ભીખુસિંહે વ્યાજ અને મુડી પેટે રૂ.૧.૩પ કરોડ રકમ ચુકવી દીધી હતી તેમ છતાં ગમે તે કારણસર ફીરોજખાન પઠાણ તૌફીક મેમણને ફોન પર તથા રૂબરૂ ઘરે આવીને ગાળો બોલી સતત ધમકીઓ આપી પઠાણી ઉઘરાણી કરી માનસિક તેમજ આર્થિક રીતે હેરાન પરેશાન કરી બળજબરીથી પૈસા કઢાવતા હોવાના આક્ષેપ સાથે તૌફીક મેમણે ફીરોજખાન પઠાણ વિરૂધ્ધ સોમવારે ગ્રામ્ય પોલીસ સ્ટેશનમાં ફરીયાદ નોંધાવી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ઇડરમાં પોલીસ તંત્રની અનોખી પહેલ. નાના વેપારીઓને મદદરૂપ થવા લોન મેળો યોજાયો.

0 0

રિપોર્ટ :- જીગ્નેશ સોની હિંમતનગર

ઇડર ખાતે મંગળવારે પોલીસ તંત્ર દ્વારા એક મહત્વપૂર્ણ અને લોકહિતકારી પહેલ રૂપે હાઈસ્કૂલના સેન્ટ્રલ હોલમાં લોન મેળાનું આયોજન કરાયું હતું. હાલના સમયમાં ઘણા લોકો પોતાના ધંધા અને રોજગાર માટે લોન પર આધાર રાખતા થયા છે, પરંતુ કેટલીક વખત ઉંચા વ્યાજે લોન આપતા વ્યાજખોરોના ચક્કરમાં ફસાઈ જતા હોય છે, જેના કારણે નાના વેપારીઓને ભારે નુકસાન થાય છે. જે અંગે જરૂરીયાતમંદોને માર્ગદર્શન અપાયું હતું. 

આ પરિસ્થિતિને ધ્યાનમાં રાખીને, નાના વેપારીઓ જેમ કે પાથરણા વાળા, લારી-ગલ્લા ચલાવતા તથા નાના-મોટા ધંધા કરી પરીવાનું ગુજરાન ચલાવતા લોકો સરળતાથી અને કાયદેસર રીતે લોન મેળવી શકે તે માટે આ લોન મેળાનું આયોજન કરાયું હતું. કાર્યક્રમનો મુખ્ય હેતુ લોકોને યોગ્ય માર્ગદર્શન આપવો અને તેમને વ્યાજખોરોના ચંગુલમાંથી બચાવવાનો હતો. આ લોન મેળામાં વિવિધ બેન્કોના મેનેજરો તથા પ્રતિનિધિઓ હાજર રહ્યા હતા, જેમણે હાજર વેપારીઓને લોન સંબંધિત માહિતી આપી અને માર્ગદર્શન પૂરું પાડયું.

કાર્યક્રમનું આયોજન ઇડર ડીવાયએસપી સ્મિત ગોહિલની અધ્યક્ષતામાં કરવામાં આવ્યું હતું. ઉપરાંત ઇડર પીઆઈ એ.જી.રાઠોડ, પીએસઆઈ વી.આર.ચૌહાણ દ્વારા લોન મેળાનું આયોજન કરાયું હતું. 

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

સાબરકાંઠામાં ૯ દિવસના બાળકની તસ્કરી. બે અઠવાડિયા અગાઉ બાળક ને અમદાવાદમાં વેચી દીધાનું ખુલ્યું. સાબરકાંઠાના સરહદી વિસ્તારમાં ચાલતા કૌભાંડને એન્ટી હ્યુમન ટ્રાફિકીંગ યુનિટની ટીમે શોધી કાઢયું.

0 0

રિપોર્ટ :- જીગ્નેશ સોની હિંમતનગર 

સાબરકાંઠા જિલ્લામાં છેલ્લા કેટલાક સમયથી બાળક વાંચ્છુ પરિવારો પાસેથી લાખો રૂપિયા લઈને તેમને નાના બાળકો વેચી રહયા છે ત્યારે થોડાક મહિના અગાઉ હિંમતનગરના આરટીઓ નજીકથી એક પરિવારના સુઈ રહેલા બાળકને અજાણ્યા શખ્સોએ ચોરી કરી તેને વેચી દેવાની પેરવી કરી હતી પરંતુ પરિવાર અને સાબરકાંઠા પોલીસની મદદથી આ બાળકને તેના મુળ માતા-પિતાને સુપ્રત કર્યું હતું દરમ્યાન વધુ એક વખત સાબરકાંઠાના અંતરિયાળ ખેડબ્રહ્મા પંથકમાં રહેતા એક જાણકારે ૧પ દિવસ અગાઉ નવ દિવસની બાળકને ઉપાડી જઈ અમદવાદમાં રૂ.ર લાખમાં વેચી દીધુ હોવાની ઘટના પ્રકાશમાં આવ્યા બાદ રવિવારે બાળ તસ્કરીમાં સંડોવાયેલા પાંચ જણાને એન્ટી હ્યુમન ટ્રાફિકીંગ યુનિટની ટીમે માનવ તસ્કરીનો ગુનો ખેડબ્રહ્મા પોલીસ સ્ટેશનમાં નોંધાવી આ પાંચેયને ઝડપી લઈ વધુ તપાસના ચક્રો ગતિમાન કર્યા છે. 

આ અંગે જિલ્લા પોલીસવડા ર્ડા.પાર્થરાજસિંહ ગોહિલ તથા એન્ટી હ્યુમન ટ્રાફિકીંગ યુનિટની ટીમના પી.આઈ એચ.જે પટેલ ના જણાવાયા મુજબ ખેડબ્રહ્મા પોલીસ સ્ટેશનમાં આરોપીઓ વિરૂધ્ધ માનવ તસ્કરીનો ગુનો નોંધવામાં આવ્યો છે. જેની વિગત એવી છે કે બે અઠવાડિયા અગાઉ ખેડબ્રહ્મા તાલુકાના પોણાઈ ગામનો માલજી ઉર્ફે માલિયો ફજુભાઈ ડાભી નવજાત બાળકોની તસ્કરીમાં સંડોવાયેલો છે. જે બાતમીના આધારે માલજીને ખેડબ્રહ્માના મટોડા ગામથી ઝડપી પાડવામાં આવ્યો હતો. પૂછપરછ દરમિયાન માલજીએ કબૂલ્યું કે તેણે લગભગ પંદર દિવસ પહેલા મેડી ગામના એક પરિવારના નવજાત બાળકને અમદાવાદના એક ઈસમને રૂ.૨ લાખમાં વેચી દીધુ હતું. પ્રાથમિક તપાસમાં વિગતમાં તથ્ય જણાતાં પોલીસે વધુ તપાસ હાથ ધરી હતી.

ત્યારબાદ પોલીસે માનવ તસ્કરીના ગુનોમાં તરત જ ખેડબ્રહ્મા પોલીસ સ્ટેશનમાં ભારતીય ન્યાય સંહિતા અધિનિયમ ૨૦૨૩ની કલમ ૧૪૩(૪), ૬૧(૨)(છ), ૫૪ હેઠળ ગુનો દાખલ કર્યો છે. સાબરકાંઠા એ.એચ.ટી.યુ. ટીમને બાળ તસ્કરીના ભેદને ઉકેલવામાં સફળતા મળી છે.પકડાયેલા પાંચેય પાસેથી વધુ વિગતો ઓકાવવા માટે પોલીસે તેમના રીમાન્ડ મેળવવાની તજવીજ હાથ ધરી છે.

જીગ્નેશ સોની હિંમતનગર 

• (કોની વિરૂધ્ધ ફરીયાદ નોંધાઈ)

-માલજી ઉર્ફે માલિયો ફજુભાઈ ડાભી (રહે. પોણાઈ, તા. ખેડબ્રહ્મા, જિ. સાબરકાંઠા)

-સુવન ઉર્ફે સોવમ નાનજીભાઇ ડાભી (રહે. દિગ્ધલી ઉપલુ ફળિયુ, તા.ખેડબ્રહ્મા)

-દેવજી ઉર્ફે દેવાભાઈ ગલાભાઈ પારધી (રહે. પારધીફળો, મામરે, તા. કોટડા છાવણી, જિ. ઉદેપુર, રાજસ્થાન)

-લક્ષ્મણભાઈ અનાભાઈ ડાભી (રહે. ડાભી ફળો, મેડી ગામ, તા. કોટડા છાવણી, જિ. ઉદેપુર, રાજસ્થાન)

-પ્રમોદભાઈ રાજારામ રાજવંશી (રહે. સીટી ગોલ્ડ મોટેરા ઇન્દ્રનગર સોસાયટી અમદાવાદ)

મોટેરાની સોસાયટીમાં રહેતો શખ્સ એજન્ટ હતો

નાના બાળકોને જરૂરીયાતમંદ પરિવારોને આપવા માટે અમદાવાદના મોટેરાની ઈન્દ્રનગર સોસાયટીમાં રહેતા પ્રમોદ રાજારામ રાજવંશી મુખ્ય એજન્ટ તરીકે કામ કરતો હતો અને તે અમદાવાદમાં બાળકની જરૂર હોય તેવા પરિવારોનો સંપર્ક કરી કિંમત નક્કી કરતો હતો. તેણે અગાઉ રાજસ્થાનના બે શખ્સો પાસે નવજાત બાળકોની શોધ ચલાવી બાળકોને વેચી દેવાની પેરવી કરતો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %