લગ્ન નોંધણીમાં હાઇકોર્ટનો મોટો ચુકાદો, ‘પુખ્ત વયની પુત્રીને જીવનસાથી પસંદ કરવાનો અધિકાર’.

0 0

ભારતીય બંધારણ એક વિસ્તૃત દસ્તાવેજ છે જેમાં કાયદો ઘડવા થી લઇ ને કાયદાની ગુંચવણ કે આંટીઘૂંટી ઉકેલવાની એક ચાવી છે. એટલે બંધારણ થી વિપરીત કોઈ નિયમ સંભવી શકતો નથી ત્યારે ગુજરાત લગ્ન નોંધણી અધિનિયમ 2006 ની પદ્ધતિ સુધારવા અંગે ખરડો પસાર કરી જનતાની વાહવાહી લૂંટવાના પ્રયાસ માં દિલ્હી હાઈ કોર્ટ ની જેમ ગુજરાત હાઈ કોર્ટે પણ લપડાક મારી છે.

વ્યક્તિ સ્વતંત્રતા ના મૌલીક અધિકાર ને માન્ય રાખી પુખ્ત વય ની વ્યક્તિ ને પોતાના જીવન સાથી ની પસંદગી કરવા કોઈ રોકી શકે નહી તેવો સ્પષ્ટ ચુકાદો આપ્યો છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

હિંમતનગર પાલિકાનું વર્ષ ર૦ર૬-ર૭નું રૂ.૧૩૬ કરોડનું વિકાસલક્ષી બજેટ મંજુર કરાયું. વિપક્ષે બજેટને આંકડાની માયાજાળ વાળુ ગણાવ્યું.

0 0

રિપોર્ટ :- જીગ્નેશ સોની હિંમતનગર 

હિંમતનગર નગરપાલિકાની બજેટ બેઠક શુક્રવારે હિંમતનગરના બદલે ૩પ કી.મી. દુર આવેલ એક ખાનગી ફાઇવ ટાર રીસોર્ટમાં યોજાઈ હતી જેમાં પાલિકાનું અંદાજે રૂ.૧૩૬ કરોડના આ બજેટને ચર્ચાને અંતે મંજુરીની મહોર મારવામાં આવી હતી. બજેટમાં શહેરીજનો માટે પાણી, ગટર, ટાઉન પ્લાનીંગ સહિતના અન્ય વિભાગો માટે બજેટમાં જોગવાઈ કરાઈ છે. જયારે વિપક્ષના નેતાએ નવીન સમાવિષ્ટ વિસ્તારોની અવગણના કરાઈ હોવાનો આક્ષેપ કરીને આ બજેટને આંકડાની માયાજાળ વાળુ ગણાવ્યું છે.નવા સમાવિષ્ટ વિસ્તારોમાં પાયાની સુવિધાઓ આપવામાં ભેદભાવ રખાયાનો આક્ષેપ.

વર્ષ ર૦ર૬-ર૭ના બજેટ રજુ કરવા અને મંજુર કરવા માટે શુક્રવારે આડાહાથરોલની સીમમાં આવેલ એક ફાઇવ સ્ટાર મોંઘાદાટ રીસોર્ટમાં સામાન્ય સભાનું આયોજન કરવામાં આવ્યું હતું તો બીજી તરફ સામાન્ય સભા હિંમતનગરમાં યોજવાને બદલે અન્ય સ્થળની પસંદગી કરાતાં પાલિકાના પદાધિકારીઓના નિર્ણયને ટીકાપાત્ર ગણાઈ રહયો છે. દરમ્યાન વર્ષ ર૦ર૬-ર૭ના બજેટમાં રૂ.૧૩૬ કરોડની વિવિધ જોગવાઈઓ સાથે વિકાસ કાર્યો માટે ફાળવવામાં આવેલ સુચિત રકમ અંગે સત્તાધારી અને વિપક્ષના સભ્યોની ઉપસ્થિતિમાં ચર્ચા કરવામાં આવી હતી. બજેટ બેઠક દરમ્યાન ચાલુ વર્ષના રૂ.૧૩૬ કરોડની જોગવાઈ કરાઈ છે ત્યારે તેમાં બંધ સિલક રૂ.૬.૪૬ કરોડ બતાવાઈ છે જયારે ઉઘડતી સિલક અંદાજે રૂ.ર૪,૩૮,પ૯,૦૦૦ બતાવાઈ છે.

પાલિકાના બજેટમાં આ વખતે પાણી પુરવઠા વિભાગને રૂ.૧૦,૬૯,પ૦,૦૦૦ ખર્ચ અંદાજવામાં આવ્યો છે, બાંધકામ માટે પાલિકાએ વર્ષ ર૦ર૬-ર૭માં રૂ.૮,૩ર,૦૦,૦૦૦ના ખર્ચનો અંદાજ રાખ્યો છે, સાથો સાથ ગટર, ટાઉન પ્લાનીંગ, દિવાબત્તી, બગીચા સહિતના અન્ય વિભાગો માટે પણ વિશેષ ખર્ચની જોગવાઈ કરાઈ છે ત્યારે બજેટની ચર્ચા દરમ્યાન સત્તાધારી અને વિપક્ષના સભ્યો વચ્ચે બોલાચાલી થઈ હતી. જોકે વિપક્ષના નેતાએ નવીન સમાવિષ્ટ કરાયેલા વિસ્તારોમાં પાણી, પાકા રસ્તા, સ્ટેટ લાઈટ, ગટર અને સફાઈ જેવી સુવિધાઓ યોગ્ય રીતે ન મળતી હોવાનો આક્ષેપ કરીને સત્તાધારી પક્ષને આવા વિસ્તારો માટે પ્રાથમિકતા આપવી જોઈએ તેવી માંગ કરી હતી. 

ઉલ્લેખનીય છે કે શુક્રવારે યોજાયેલ બજેટ બેઠક વર્તમાન પદાધિકારીઓ માટે છેલ્લી હોવાને કારણે શહેરીજનોની વાહવાહી મેળવવા માટે ભરપુર પ્રયાસ કરાયા હોવાનું નિષ્ણાંતોનું કહેવું છે. 

પાલિકાના બજેટની આંકડાકીય વિગતો

•    આવક રકમ 

નગરપાલિકા કરવેરા ૧૯,૦૧,૦૦,૦૦૦

કરવેરા સિવાયની મિલ્કતોમાંથી થતી આવક ૫૨,૦૦,૦૦૦

ફીની આવક ૬૪,૫૦,૦૦૦

અન્યઆવક ૩,૮૭,૦૫,૦૦૦

પાણી પુરવઠા ૩,૦૦,૦૦૦

બગીચા વિભાગ ૨,૧૩,૦૦,૦૦૦

ગટર વિભાગ ૬,૦૦,૦૦૦

શિક્ષણ વિભાગ ૩,૦૦,૦૦૦

સીટી બસ વિભાગ ૧૮,૦૦,૦૦૦

એમ્બ્યુલન્સ વિભાગ ૨,૦૦,૦૦૦

ફાયર વિભાગ ૪,૨૦,૦૦૦

ટાઉન હોલ ૧૫,૦૦,૦૦૦

એન.યુ.એલ.એમ. યોજના ૩૫,૦૦,૦૦૦

આરોગ્ય ૧૬,૭૦,૦૦૦

અનુદાન ૭૦,૫૦,૦૫,૦૦૦ 

ગલ્લા વિભાગ (શોપીંગ-દુકાનો) ૫,૨૨,૦૦,૦૦૦

ટાઉન પ્લાનીંગ ૩,૪૦,૦૦,૦૦૦

દેવા વિભાગ ૫,૨૮,૯૧,૦૦૦

કુલ ૧૧૧,૬૧,૪૧,૦૦૦

ઉઘડતી સિલક ર૪,૩૮,પ૯,૦૦૦

કુલ સરવાળો ૧૩૬,૦૦,૦૦,૦૦૦

• ખર્ચ રકમ રૂપિયા

સામાન્ય વિભાગ – પગાર ખર્ચ ૨,૨૨,૦૦,૦૦૦

સામાન્ય વહીવટ ૭,૬૮,૮૦,૦૦૦

પરચુરણ ખર્ચ ૧,૫૦,૪૦,૦૦૦

દિવાબત્તી ૨,૩૦,૦૦,૦૦૦

પાણીપુરવઠા ૧૦,૬૯,૫૦,૦૦૦

બગીચા ૮૮,૦૦,૦૦૦

ગટર ૪,૩૫,૦૫,૦૦૦

શિક્ષણ ૬,૭૫,૦૦૦

સીટીબસ ૮૬,૫૦,૦૦૦

એમ્બ્યુલન્સ ૭,૫૦,૦૦૦

ફાયરબ્રિગ્રેડ ૫,૭૦,૦૦,૦૦૦

ટાઉન હોલ ૧૩,૨૦,૦૦૦

એન.યુ.એલ.એમ. યોજના ૪૦,૦૦,૦૦૦

આરોગ્ય ૯,૩૨,૦૦,૦૦૦

બાંધકામ ૮,૩૨,૦૦,૦૦૦

અનુદાન ૬૨,૫૦,૩૦,૦૦૦

ટાઉન પ્લાનીંગ ૧,૮૭,૪૦,૦૦૦

મિકેનિકલ ૫,૦૦,૦૦,૦૦૦

દેવા વિભાગ ૫,૬૪,૬૦,૦૦૦

કુલ ૧,૨૯,૫૪,૦૦,૦૦૦

બંધ સિલક ૬,૪૬,૦૦,૦૦૦

કુલ સરવાળો ૧૩૬,૦૦,૦૦,૦૦૦

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

બડોલીની સગીરા સાથે દુષ્કર્મ કરનાર નરાધમને ૨૦ વર્ષની સજા. ભોગ બનનારને વિક્ટીમ કોમ્પનસેશન અન્વયે વળતર ચૂકવવા હુકમ કરાયો.

0 0

રિપોર્ટ:- જીગ્નેશ સોની હિંમતનગર

સાબરકાંઠા જિલ્લાના ઇડર તાલુકાના બડોલી ગામે રહેતી એક સગીરાને ચાર વર્ષ અગાઉ ગામના જ એક શખ્સે લલચાવી ફોસલાવી વાલીપણામાંથી અપહરણ કરી ગયા બાદ આ સગીરાને કચ્છ જિલ્લામાં આવેલી એક સ્થળે ભાડાના મકાનમાં રાખી સગીરાની મરજી વિરૂધ્ધ દુષ્કર્મ કર્યાની ફરિયાદ તત્કાલિન સમયે ઇડર પોલીસ સ્ટેશનમાં નોંધાવાઇ હતી. જેની તપાસ પૂર્ણ થયા બાદ ઇડર કોર્ટમાં ચાર્જશીટ રજૂ કરાઇ હતી. જેનો અંતિમ ચુકાદો શુક્રવારે આવી જતાં ન્યાયાધીશે દુષ્કર્મ કરનાર બડોલીના રહીશને વિવિધ કલમોને આધીન રહી ૨૦ વર્ષની સખ્ત કેદની સજા અને વિક્ટીમ કોમ્પનશેસન અન્વયે વળતર ચુકવવાનો હુકમ કર્યો હતો.

આ અંગે ઇડરના સરકારી વકીલના જણાવ્યા મુજબ ગત તા.૨૬-૨-૨૦૨૪ના રોજ બડોલીના ચામુંડાનગરમાં રહેતા એક પરિવારની સગીરાને ગામના જ મનોજ ઉર્ફે મનુભાઇ ગોવિંદભાઇ સુરતી (ઠાકોર) વાલીપણામાંથી લલચાવી ફોસલાવી અપહરણ કરી લઇ ગયો હતો. ત્યારબાદ આ સગીરાને કચ્છના ભચાઉ તાલુકાના સામખ્યારી ગામે લઇ જઇ ભાડાના મકાનમાં રહેતો હતો. જયાં મનોજ સુરતીએ સગીરાની મરજી વિરૂધ્ધ વારંવાર દુષ્કર્મ કર્યુ હતુ. જે અંગેની ફરિયાદ તત્કાલિન સમયે ઇડર પોલીસ સ્ટેશનમાં નોંધાવાઇ હતી. 

ત્યારબાદ પોલીસે સમગ્ર ગુનાની તપાસ કરીને ચાર્જશીટ ઇડર કોર્ટમાં રજૂ કરી હતી. કોર્ટના ન્યાયાધીશે સુનાવણી દરમિયાન રજૂ કરાયેલા આધારપુરાવાઓને ગ્રાહ્ય રાખી દુષ્કર્મ કરનાર મનોજ સુરતીને કાયદાની વિવિધ કલમોને આધારે તકસીરવાન ઠરાવી ૨૦ વર્ષની સખ્ત કેદની સજા અને રૂપિયા ૧૦ હજારનો દંડ ફટકાર્યો હતો. તેમજ ભોગ બનનાર સગીરાને રૂપિયા ૩૫ હજાર વળતર તથા વિક્ટીમ કોમ્પનસેશન અન્વયે ભોગ બનનાર સગીરાને ચુકવી આપવા માટે હુકમમાં નોંધ કરી છે.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

રણાસણ ત્રણ રસ્તા નજીકથી દારૂ ભરીને જતી ટ્રક પકડાઈ. રૂા. ૬૮.૭૭ લાખની દારૂની ૪૭૧ પેટી પકડાઈ. ટ્રકના ચાલકની અટકાયત કરાઈ 

0 0

રિપોર્ટ:- જીગ્નેશ સોની હિંમતનગર

સાબરકાંઠા જિલ્લામાં છેલ્લા કેટલાક દિવસથી બુટલેગરો પોલીસને થાપ આપી લાખો રૂપિયાનો પાસ પરમીટ વિનાનો દારૂનો જથ્થો ભરીને ગુજરાતમાં પ્રવેશી અન્ય સ્થળે મોકલી રહ્યા છે ત્યારે બુધવારે રાત્રે ગાંભોઈ પોલીસ સ્ટેશનની હદમાં આવેલ રણાસણ ત્રણ રસ્તા નજીકથી પસાર થઈ રહેલ એક ટ્રકના ચાલકે ખોટી બિલ્ટીઓ બનાવી ટ્રકમાં લાકડાના પાટીયાની આડમાં લઈ જવાતા અંદાજે રૂા. ૬૮.૭૭ લાખની કિંમતની ૪૭૧ પેટીમાં રખાયેલ ૭ર૭ર દારૂની બોટલો એલસીબીએ કબજે લીધી હતી. ત્યારબાદ એલસીબીએ અંદાજે રૂા. ૮૮.૮ર લાખનો મુદ્દામાલ કબજે લઈ ટ્રક ચાલકની અટકાયત કરી દારૂની હેરાફેરીમાં સંડોવાયેલ અન્ય એક વિરૂધ્ધ ગુરૂવારે ગાંભોઈ પોલીસ સ્ટેશનમાં ફરીયાદ નોંધાવી હતી.

જિલ્લા પોલીસવડા ડો.પાર્થરાજસિંહ ગોહિલ ની સૂચનાથી એલસીબીના પી.આઈ ડી.સી.સાકરીયા પીએસઆઇ એસ.જે ચાવડા,પીએસઆઇ રવિરાજસિંહ જાડેજાની ટીમના અમૃતભાઈ દેસાઈ, જીગ્નેશભાઈ બુધવારે રાત્રે ગાંભોઈ પોલીસ સ્ટેશનની હદમાં પેટ્રોલીંગમાં હતા ત્યારે એવી બાતમી મળી હતી કે રાજસ્થાન તરફથી આવી રહેલ ટ્રક નં. આરજે૩૭જીએ ર૭પ૧નો ચાલક પાચારામ ખેતારામ ગોદારા જાટ (રહે. ચાડાર, જી.બાડમેર) પોતાના ટ્રકમાં ખોટી બિલ્ટીઓ બનાવી ટ્રકમાં અગાઉથી જ ગોઠવી દીધેલ લાકડાના પાટીયા નીચે પાસ પરમીટ વિનાનો દારૂનો જથ્થો લઈ ગુજરાતમાં પ્રવેશી રહ્યો છે.જે આધારે એલસીબીએ તરત જ ગાંભોઈ પોલીસ સ્ટેશનની હદમાં આવેલ રણાસણ ત્રણ રસ્તા પાસે વાહનચેકિંગ શરૂ કર્યું હતુ.

દરમ્યાન આવી રહેલ ટ્રકને રોકી ચાલકની પુછપરછ કરતાં તેણે ટ્રકમાં કેબલના રોલ ભરેલ હોવાનું જણાવ્યું હતુ. ત્યારબાદ પોલીસને શક જતાં ટ્રકમાં ભરેલ માલનું ચેકિંગ શરૂ કર્યું હતુ. જેમાં કેબલના ત્રણરોલ બોડી સાથે ફિટ કરેલ હતા અને રોલના ઉપરના ભાગે બોલ્ટ લગાવેલ હતા. જે ખોલ્યા બાદ પોલીસે ટ્રકમાં તપાસ કરતાં ફિટ કરેલ તથા કાપીને ગોઠવેલ પાઈપોને હટાવી ટ્રકમાંથી અંદાજે રૂા. ૬૮.૭૭ લાખની પાસ પરમીટ વિનાની વિદેશી દારૂની ૪૭૧ પેટીમાં રખાયેલ ૭ર૭ર બોટલો મળી આવી હતી.

ત્યારબાદ એલસીબીએ ટ્રકના ચાલક પાચારામ જાટની કડક પુછપરછ કરીને દારૂની હેરાફેરી માટેનું પરમીટ રજૂ કરવા જણાવ્યું હતુ. પરંતુ ટ્રકના ચાલકે કોઈ આધાર પુરાવા રજૂ કર્યા ન હતા. જેથી એલસીબીએ દારૂનો જથ્થો તથા ટ્રક મળી અંદાજે રૂા. ૮૮.૮ર નો મુદ્દામાલ કબજે લઈ પાચારામ જાટની અટકાયત કર્યા બાદ પુછપરછમાં બાડમેર જિલ્લાના ઈસરોલ ગામના મહેશ ચૌધરીની સંડોવણી હોવાનું કબૂલ્યું હતુ. જેથી પોલીસે બંને વિરૂધ્ધ ગાંભોઈ પોલીસ સ્ટેશનમાં ગુનો નોંધાવી વિદેશી દારૂ, રૂા. પ હજારનો મોબાઈલ અને રૂા. ર૦ લાખનો ટ્રક કબજે લીધો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

આણંદ જિલ્લાના ભાલેજ પોલીસ સ્ટેશન ખાતે ફરજ બજાવતા ASI મનુભાઈ પરમારના પરિવારે ખાખી વર્દીમાં ઇતિહાસ રચ્યો છે.

0 0

પિતા મનુભાઈ પરમાર આસિસ્ટન્ટ સબ ઇન્સ્પેક્ટર (ASI) તરીકે સેવા આપી રહ્યા છે, જ્યારે પુત્ર દીપક પણ ભાલેજ પોલીસ સ્ટેશનમાં ફરજ પર છે. હવે તેમની બે દીકરીઓ તમન્ના પરમાર અને શીતલ પરમાર PSI બનીને પરિવારનું નામ રોશન કર્યું છે.

તમન્ના પરમાર (2023થી કોન્સ્ટેબલ તરીકે સેવા આપતી) એ PSI પરીક્ષામાં જનરલ મેરિટમાં 46મો અને SC કેટેગરીમાં પ્રથમ ક્રમાંક મેળવી શાનદાર સિદ્ધિ મેળવી.

શીતલ પરમાર, જેઓ 2023માં માત્ર ચાર માર્ક્સથી તક ચૂકી ગયા હતા, પરંતુ હિંમત ન હારતા સતત મહેનત ચાલુ રાખી. આ વર્ષે PSI પરીક્ષામાં જનરલ મેરિટમાં 42મો અને SC કેટેગરીમાં 4થો ક્રમાંક મેળવી ઇતિહાસ રચ્યો.

એક જ પરિવારના ચાર સભ્યો ખાખી વર્દીમાં દેશસેવા માટે સમર્પિત –આ કદાચ પ્રથમ કિસ્સો હશે! 

કાવઠ ગામ સહિત સમગ્ર પરમાર પરિવાર માટે આ ગૌરવની પળ છે અને સમગ્ર ગુજરાત માટે પ્રેરણાદાયક ઉદાહરણ છે.

ખાખી વર્દીની આ ગાથા સાબિત કરે છે કે અથાગ મહેનત, સંકલ્પ અને પરિવારનો સહયોગ હોય તો સફળતા જરૂર મળે છે.

સફળતા તેને જ મળે છે જે પરસેવાથી ન્હાય છે…

નોકરી મહેરબાનીથી નહીં, હિંમત અને લગનથી મળે છે.

ઘર અને નોકરી સાથે સંભાળી આવું શાનદાર પરિણામ લાવવું ખરેખર બિરદાવવા યોગ્ય છે. 

મહેનત હશે તો સફળતા ચોક્કસ મળશે.ખૂબ અભિનંદન અને શુભકામનાઓ!

About Post Author

admin

https://prideofhumanrights.com

Happy

1 100 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ઈડરમાં ગેરકાયદે ધમધમતા કોલ સેન્ટર પર એસએમસીનો દરોડો. ૧ર થી વધુ લેપટોપ, ૧૦ મોબાઈલ સહિત અન્ય સાધન સામગ્રી કબજે લેવાઈ.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના ઈડર ખાતે આવેલ ભરચક વિસ્તાર સ્થિત એક કોમ્પ્લેક્ષમાં છેલ્લા કેટલાક સમયથી ગેરકાયદે ધમધમતા કોલ સેન્ટરમાં ચાલતી ગેરકાયદે પ્રવૃતિઓ અંગે તાજેતરમાં સ્ટેટ વિજીલન્સને કેટલાક આધાર પુરાવા સાથે મળેલી વિગતો બાદ એસએમસીની ટીમે સોમવારે મધરાતે અને મંગળવારે વહેલી પરોઢે ટીમ સાથે આવી ઈડરના આ કોલ સેન્ટર પર દરોડો પાડીને દસ્તાવેજી પુરાવાઓની બંધ બારણે તપાસ હાથ ધરી છે. 

ત્યાબાદ લગભગ ૧પ કલાકથી વધુ તપાસ અને ૧૦ થી વધુ લોકોની સઘન પુછપરછ કરાયા બાદ મંગળવારે સાંજના સુમારે તપાસનીશ અધિકારીઓએ કોલ સેન્ટરમાં સંડોવાયેલા અને કામ કરતાં ૧૦થી વધુ લોકોની પ્રાથમિક ધોરણે અટકાયત કરી હતી.ત્યારબાદ તેમની પાસેથી એસએમસીની ટીમે ૧ર થી વધુ લેપટોપ,૧૦ મોબાઈલ સહિત કોલ સેન્ટરમાં ઉપયોગમાં લેવાતા અન્ય સાધન સામગ્રી કબજે લીધી હતી. 

તપાસની પ્રાથમિક કાર્યવાહી પૂર્ણ થયા બાદ પકડાયેલા આ શખ્સોને ઈડર પોલીસ સ્ટેશનમાં લઈ જવાયા હતા. જેથી હવે પછી તેમની વિરૂધ્ધ જ્યારે પણ ફરીયાદ દાખલ થશે તે પછી એસએમસીની ટીમ પુછપરછ દરમ્યાન કોલ સેન્ટર ક્યારથી કેવી રીતે ? અને કોના આર્શિવાદથી ચાલતું હતુ તેની વિગતો બહાર આવે તો નવાઈ નહી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ગાંભોઈથી બામણા રોડ પરથી રૂા.પ.ર૦ લાખનો દારૂ અને બિયરનો જથ્થો પકડાયો. ટેમ્પાનો ચાલક ટેમ્પો મૂકીને ભાગી ગયો, પોલીસે રૂા. ૧૦.ર૦ લાખનો મુદ્દામાલ કબજે લીધો.

0 0

રિપોર્ટ :- જીગ્નેશ સોની હિંમતનગર

હિંમતનગર તાલુકાના ગાંભોઈ પોલીસ સ્ટેશનની હદમાંથી સ્થાનિક પોલીસે બાતમીને આધારે મંગળવારે બામણા જતાં રોડ પરથી એક ટેમ્પામાં ભરી ગેરકાયદે હેરાફેરી કરાઈ રહેલ અંદાજે રૂા. પ.ર૦ લાખની કિંમતની ૧૪૭૬ દારૂ અને બિયરની બોટલો કબજે લઈ ભાગી ગયેલ ટેમ્પોના ચાલક વિરૂધ્ધ ગાંભોઈ પોલીસ સ્ટેશનમાં ગુનો દાખલ કરવામાં આવ્યો હતો.

આ અંગે ગાંભોઈના પી.આઈ એસ.જે.ગોસ્વામી તથા સ્ટાફના પો.કો સુરેશભાઈ ના જણાવાયા મુજબ મંગળવારે તેમને એવી બાતમી મળી હતી કે ભિલોડા તરફથી એક ટેમ્પામાં પાસ પરમીટ વિનાનો દારૂનો જથ્થો ગાંભોઈ તરફ લવાઈ રહ્યો છે જે આધારે ગાંભોઈ પોલીસે આડા હાથરોલની સીમમાં વોચ ગોઠવી હતી. દરમ્યાન બાતમી મુજબ આવી રહેલ ટેમ્પો નં. જીજેર૭ટીડી પ૦પ૯ને અટકાવવા માટે પોલીસે ઈશારો કર્યો હતો. પરંતુ ટેમ્પોના ચાલક બામણા ત્રણ રસ્તાથી કોલેજ જતાં રોડની બાજુમાં ટેમ્પો મૂકીને ચાલક ભાગી ગયો હતો.

ત્યારબાદ ગાંભોઈ પોલીસે ટેમ્પાની બોડીમાં બનાવેલ ગુપ્ત ખાનામાંથી ૧૪૭૬ બિયર અને દારૂની બોટલો બંધ બોક્સમાંથી ઝડપી લીધી હતી. ત્યારબાદ પોલીસે રૂા. ૧૦.ર૦ લાખનો મુદ્દામાલ કબજે લઈને ગાંભોઈ પોલીસે આગળની કાર્યવાહી હાથ ધરી હતી.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

ધાણધા પાસે આધેડનો મળેલ મૃતદેહનો ભેદ ઉકેલાયો. ધાણધામાં આધેડની હત્યા કરનાર પૂત્ર અને ભત્રીજાએ માથામાં ફટકા માર્યા.

0 0

 રિપોર્ટ:- જીગ્નેશ સોની હિંમતનગર

ઘર કંકાસને લઈને બોથડ પદાર્થથી ઘા ઝીંકી પિતાને પતાવી દીધા

બીએસઅસીમાં અભ્યાસ કરતાં પૂત્રને પિતા કનડગત કરતાં હોવાનો આક્ષેપ એફએસએલ અને પોસ્ટમર્ટમના રીપોર્ટ બાદ બી.ડીવીઝન પોલીસે હત્યાનો ગુનો દાખલ કર્યો, બંનેની ધરપકડ કરી

ઘટનાના દિવસે પોલીસે શકમંદોને ઝડપી લીધા હતા. હિંમતનગર-ઈડર રોડ પર આવેલ તથા બી.ડીવીઝન પોલીસ સ્ટેશનની હદના ધાણધા વિસ્તારમાં આવેલ એક દાળમીલ પાછળથી છ દિવસ અગાઉ ઝાડી-ઝાંખરામાંથી એક પપ વર્ષની આધેડની લાશ મળી આવ્યા બાદ જિલ્લા પોલીસવડા, એલસીબી, એસઓજી સહિત સ્થાનિક પોલીસે ઘટનાના બીજા દિવસે સ્થળ મુલાકાત લઈને વધુ તપાસ હાથ ધરી હતી ત્યારે તત્કાલિન સમયે પોલીસે કેટલાક શકમંદોની અટકાયત કરી લીધી હતી. દરમ્યાન આધેડના મોતનું કારણ શોધવા માટે પોલીસે પોસ્ટમોર્ટમ કરાવીને મૃતકના વિસેરા એફએસએલમાં મોકલી આપ્યા હતા. બીજી તરફ પોલીસે સમગ્ર ઘટનાને લઈને કેટલાક લોકોની પુછપરછ કર્યા બાદ સોમવારે આધેડની હત્યા કરનાર પૂત્ર અને ભત્રીજાની પોલીસે ધરપકડ કર્યા બાદ બંને વિરૂધ્ધ બી. ડિવિઝન પોલીસ સ્ટેશનમાં હત્યાનો ગુનો દાખલ કરવામાં આવ્યો હતો.

આ અંગે જિલ્લા પોલીસવડા ડો.પાર્થરાજસિંહ ગોહીલ, એસઓજીના પી.આઈ. ડી.સી.પરમાર, પી.એસ.આઈ પી.એમ.ઝાલા તથા સ્ટાફના જણાવાયા મુજબ ગત તા. ૧૮ ફેબ્રુઆરીની રાત્રે કેટલાક અજાણ્યા શખ્સોએ પપ વર્ષીય ગોપાલ શંકરભાઈ ઓડની લાશ દાળમીલ પાછળ આવેલ ઝાડી-ઝાંખરામાં ફેંકી દીધી હતી. ત્યારબાદ બીજા દિવસે એટલે કે તા. ૧૯ ફેબ્રુઆરીના રોજ જિલ્લા પોલીસવડા તથા અન્ય શાખાના પી.આઈ અને પી.એસ.આઈ સહિત બી. ડિવિઝન પોલીસનો સ્ટાફ ઘટના સ્થળે પહોંચી ગયો હતો. ત્યારબાદ પોલીસે સ્થળ નિરીક્ષણ કર્યા બાદ મૃતકના પરિવારજનો તથા આસપાસમાં રહેતા રહીશોની પુછપરછ કરી હતી.

તો બીજી તરફ મોતનું સાચુ કારણ શોધવા માટે પોલીસે ગોપાલ ઓડની લાશ પી.એમ માટે હિંમતનગર સિવીલમાં મોકલી આપી હતી. જ્યાં મૃતકના વિસેરા લઈ વધુ તપાસ માટે એફએસએલની લેબોરેટરીમાં મોકલી આપ્યા હતા. જેનો અહેવાલ શનિવારે આવી ગયો હતો. જેમાં મૃતક પર બોથડ પદાર્થથી માથામાં ઘા ઝીંકીને હત્યા કરી દીધી હતી. ત્યારબાદ લાશને દાળમીલ પાછળ નાંખી દીધી હતી.

તો બીજી તરફ એલસીબી, એસઓજી અને બી. ડિવિઝન પોલીસે બનાવેલી અલગ-અલગ ટીમોએ તપાસ કરી સીસીટીવીના સર્વેલન્સ, ટેકનીકલ સર્વેલન્સ તથા હ્યુમન સોર્ચ મારફતે તપાસ કરતાં ગોપાલ ઓડનું મોત નિપજાવનાર તેનો પૂત્ર મિતેશ ઓડ (ઉ.વ.ર૬) તથા ભવાની રેસીડેન્સીમાં આવેલ ભાડાના મકાનમાં રહેતો ઈશ્વર શામળ ઓડએ ભેગા મળીને ગોપાલ ઓડની હત્યા કરી દીધાનું તપાસમાં બહાર આવ્યા બાદ સોમવારે મૃતકના પૂત્ર રવિ ગોપાલ ઓડની ફરીયાદને આધારે મિતેશ ઓડ તથા ઈશ્વર ઓડ વિરૂધ્ધ બી.ડિવિઝન પોલીસ સ્ટેશનમાં ગુનો દાખલ કરવામાં આવ્યો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

પ્રાંતિજના રસુલપુર પાટીયા પાસેથી રૂ.૧.૬૯ લાખનો દારૂ પકડાયો. કારના ગુપ્ત ખાનામાંથી દારૂ સાથે ચાલક પકડાયો.

0 0

રિપોર્ટ :- જીગ્નેશ સોની હિંમતનગર

સાબરકાંઠા જિલ્લાના પ્રાંતિજ પોલીસ સ્ટેશનની હદમાં આવેલ અને પ્રાંતિજથી હિંમતનગર જતા નેશનલ હાઈવે પરના રસુલપુર પાસેથી બાતમીને આધારે એલસીબીએ સોમવારે એક કારના ગુપ્ત ખાનામાં સંતાડેલ રૂ.૧,૬૯,૪૨૮ની કિંમતની ૨૬૦ બોટલ વિદેશી દારૂની બોટલો મળી આવ્યા બાદ એલસીબીએ કારના ચાલકની ધરપકડ કરી રૂ.૩,૬૯,૪૨૮નો મુદ્દામાલ જપ્ત કર્યો છે. ત્યારબાદ એલસીબીએ આ મામલે પ્રાંતિજ પોલીસ સ્ટેશનમાં ચાલક વિરૂધ્ધ ફરિયાદ નોંધવી હતી.

આ અંગે સાબરકાંઠા એલસીબીના પી.આઈ ડી.સી.સાકરિયા તથા પીએસઆઇ રવિરાજસિંહ જાડેજાના જણાવાયા મુજબ સોમવારે તેમની ટીમ પ્રાંતિજ પોલીસ સ્ટેશન વિસ્તારમાં પેટ્રોલિંગમાં હતી. તે દરમિયાન હેડ કોસ્ટેબલ જીગ્નેશ સુરેશભાઈ ને મળેલી બાતમીના આધારે હિંમતનગરથી અમદાવાદ હાઈવે રોડ પર રસુલપુર પાટીયા નજીક એલસીબીએ વોચ ગોઠવી નાકાબંધી કરવામાં આવી હતી. બાતમી મુજબ આવી રહેલ કાર જીજે.૦૧આરડી.૭૦૬૭ હિંમતનગર તરફથી આવતા તેને અટકાવાઈ હતી. ત્યારબાદ પોલીસે કારના ચાલકની પૂછપરછ કરી તલાશી લેતાં કારના પાછળના ભાગે ડીકીમાં બનાવેલા ગુપ્તખાનામાંથી કારના અંદરના ભાગે અને એન્જિનના આગળના ભાગે બોનેટ નીચેથી ભારતીય બનાવટના વિદેશી દારૂની વિવિધ બ્રાન્ડની છૂટી બોટલો મળી આવી હતી. ત્યારબાદ પોલીસે રૂ.૧,૬૯,૪૨૮નો દારૂ અને કાર સહિત રૂ.૩,૬૯,૪૨૮નો મુદ્દામાલ જપ્ત કર્યો હતો. અને કાર ચાલક રોડસિંહ દલપતસિંહ રાઠોડ ઉંમર ૩૭, (રહે.હાલ અમદાવાદના દસકોઈ તાલુકાના કઠવાડા)ની અટકાયત કરી તેની વિરૂધ્ધ પ્રાંતિજ પોલીસ સ્ટેશનમાં ગુનો નોંધાવાયો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %

વડાલીના નવાનગર ત્રણ રસ્તા નજીકથી, સાબરકાંઠા અને મહેસાણા માં બાઈક ચોરી કરતા ગાજીપુરના બે યુવાનો પકડાયા

0 0

વડાલી પોલીસે રૂા. ૩.૮૩ લાખના ૮ બાઈક કબજે લીધા
હિંમતનગર(જીગ્નેશ સોની): સાબરકાંઠા અને મહેસાણા જિલ્લામાંથી છેલ્લા કેટલાક સમયથી અજાણ્યા શખ્સો બાઈકની ચોરીઓ કરતા હોવાની ફરીયાદ તત્કાલિન સમયે સ્થાનિક પોલીસ સ્ટેશનમાં નોધાઈ ચૂકી છે ત્યારે બે દિવસ અગાઉ સાબરકાંઠાના વડાલી પોલીસે ધરોઈ રોડ પર આવેલ નવાનગર ત્રણ રસ્તે વાહન ચેકિંગ દરમિયાન ડોભાડા તરફથી આવી રહેલ બે બાઈક સવારને ઝડપી તેની કડક પુછપરછ કરતાં વડાલી તાલુકાના ગાજીપુર ગામના બે યુવાનોને ઝડપી લઈને તેમને સંતાડી રાખેલ અંદાજે રૂા. ૩.૮૩ લાખના આઠ બાઈક કબજે લઈ તેમની વિરૂધ્ધ બુધવારે વડાલી પોલીસ સ્ટેશનમાં ફરીયાદ દાખલ કરાઈ હતી.
આ અંગે વડાલીના પી.આઈ ડી.આર.પઢેરીયા તથા પી.એસ.આઈ કે.એલ. જાડેજા અને તેમની ટીમના જણાવાયા મુજબ બે દિવસ અગાઉ તેમનો સ્ટાફ પોલીસ સ્ટેશનની હદમાં ફરજ બજાવી રહ્યો હતો ત્યારે એવી બાતમી મળી હતી કે ડોભાડા તરફથી એક નંબર વગરના બાઈક પર બે શખ્સો વડાલી તરફ આવી રહ્યા છે જે આધારે પોલીસે તેમને બાઈક સાથે અટકાવી નંબર વગરના બાઈકના દસ્તાવેજી પુરાવા રજૂ કરવા માટે કહ્યું હતુ પરંતુ બાઈક પર આવી રહેલા અને વડાલી તાલુકાના ગાજીપુર ગામના કિરપાલસિંહ ગઢીયા અને અજીતસિંહ ગઢીયાએ બાઈકના કોઈ આધાર પુરાવા રજૂ ન કરતા પોલીસે બાઈક કબજે લીધું હતુ.
ત્યારબાદ આ બંનેની કડક પુછપરછ કરતા તેમણે છેલ્લા એક વર્ષ દરમ્યાન સા.કાંના વડાલી,જાદર,ઈડર અને મહેસાણાના વડનગર પોલીસ સ્ટેશનની હદમાંથી ૮બાઈકની ચોરી કર્યાની કબૂલાત કરી હતી. બંને જણાએ સા.કાં જિલ્લાના જાદર, વડાલી, ઈડર અને મહેસાણાના વડનગર પોલીસ સ્ટેશનની હદમાંથી બાઈકની ચોરી કર્યાની કબૂલાત કર્યા બાદ વડાલી પોલીસે તેમને સાથે રાખી ચોરી કરાયેલ અંદાજે રૂા. ૩.૮૩ લાખના ૮ બાઈક કબજે લઈ લીધા હતા. અને પકડાયેલા બંને વિરૂધ્ધ બુધવારે વડાલી પોલીસ સ્ટેશનમાં વાહનચોરી સંદર્ભે ગુનો દાખલ કરવામાં આવ્યો હતો.

About Post Author

admin

https://prideofhumanrights.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %