ધ્રાંગધ્રાના તબિબને એનડીપીએસમાં ફસાવી પૈસા પડાવતી ગેંગ પકડાઈ. આઈબીની ખોટી ઓળખ આપનાર છ પકડાયા. હિંમતનગરના પોલીસ કોન્સ્ટેબલ અને હોમગાર્ડની સંડોવણી હોવાનું ખુલ્યું
Views: 133
0
0
Read Time:5 Minute, 2 Second
રિપોર્ટ :- જીગ્નેશ સોની હિંમતનગર
સુરેન્દ્રનગર જિલ્લાના બજાણા પોલીસે ધ્રાંગધ્રા-વિરમગામ નેશનલ હાઇવે પર ડોક્ટરને એનડીપીએસના ખોટા કેસમાં ફસાવી પૈસા પડાવવાનો પ્રયાસ કરનાર ગેંગના ૬ આરોપીઓની ધરપકડ કરી છે. આ ગેંગના સભ્યો આઈબી, પોલીસ કર્મચારી અને હોમગાર્ડનીખોટી ઓળખ આપતા હતા. પોલીસે ગણતરીના કલાકોમાં ગુનો શોધી કાઢી ગુનામાં વપરાયેલી રૂ.૧૦ લાખની બે ફોર વ્હીલ કાર, રૂ.૩૦ હજારના પાંચ મોબાઇલ સાથે ઝડપી લીધા હતા. ત્યારબાદ ધ્રાંગધ્રા પોલીસે વધુ વિગત માટે કોર્ટમાં રજુ કર્યા હતા જયાં ન્યાયાધિશે તેમના તા.ર૦ માર્ચ સુધીના રીમાન્ડ મંજુર કર્યા છે. ઉલ્લેખનીય છે કે પકડાયેલાઓમાં હિંમતનગરના ભરચક વિસ્તારમાં આવેલ એક પોલીસ સ્ટેશનમાં કોન્સ્ટેબલ અને હોમગાર્ડ તરીકે ફરજ બજાવતા બે જણાનો સમાવેશ થાય છે. સમગ્ર ઘટનાને લઈને સાબરકાંઠા પોલીસની આબરૂનું વધુ એક વખત લીલામ થયું છે.
આ અંગેની વિગત એવી છે કે ગત તા.૧૧ માર્ચના રોજ માલવણ-વિરમગામ હાઇવે પર ટોલબૂથ નજીક બનેલી ઘટના મુજબ ધ્રાંગધ્રાના ડોક્ટર આશિષ ચંપકલાલ શાહ અમદાવાદ તરફ જઈ રહ્યા હતા ત્યારે કાર નં. જીજે.૧૩સીડી.પ૮૪પમાં આવેલા ચાર અજાણ્યા શખ્સોએ તબિબને અટકાવી ચાર પૈકી બે જણાએ ખાખી પોલીસ યુનિફોર્મ પહેર્યો હતો જ્યારે એક પુરુષ અને એક મહિલા સાદા કપડામાં હતા. ત્યારબાદ વાહન ચેકિંગના બહાને ડોક્ટર શાહને ઉભા રખાવ્યા હતા અને તેમની ગાડીમાંથી ડ્રગ્સની પડીકી મળી હોવાનું કહી ડોક્ટરના ફોટા પાડી તેમની પાસેથી પૈસાની માંગણી કરી હતી. પરંતુ તબિબે બજાણા પોલીસ સ્ટેશનમાં ફરિયાદ નોંધાવી હતી. જે ફરિયાદના આધારે બજાણા પોલીસ સ્ટેશનમાં ગુ.ર.નં.૧૧૨૧૧૦૫૮૨૬૦૦૭૬/૨૦૨૬ હેઠળ ભારતીય ન્યાય સંહિતાની કલમ ૩૦૮(૬), ૨૦૪, ૧૨૬(૨), ૬૨, ૬૧(૨)(બી), ૫૪ મુજબ ગુનો દાખલ કરવામાં આવ્યો હતો.
જે સંદર્ભે રાજકોટ વિભાગના નાયબ પોલીસ મહાનિરીક્ષક નિરલિપ્ત રાયની અને પોલીસ અધિક્ષક પ્રેમસુખ ડેલુ તથા ધ્રાંગધ્રા ડિવિઝનના નાયબ પોલીસ અધિક્ષક જે.ડી.પુરોહિતના માર્ગદર્શન હેઠળ એક્શન પ્લાન બનાવાયો હતો.જેના ભાગરૂપે બજાણા પોલીસ સ્ટેશનના સ્ટાફની ટીમો બનાવી આ ગુનાનો ભેદ ઉકેલવા અને મુદ્દામાલ શોધવા માટે તપાસ હાથ ધરવામાં આવી હતી. તપાસ દરમિયાન મળેલી માહિતીના આધારે ગુનામાં વપરાયેલી કાર ચલાવનાર નિલેશભાઈ ઉમેદરામ રામાનુજ (રહે. હામપર, તા. ધ્રાંગધ્રા), અમદાવાદમાં ફોટોગ્રાફીનો ધંધો કરનાર સહિત પાંચ જણા વિરૂધ્ધ ગુનો દાખલ કરાયો હતો ત્યારબાદ તપાસને અંતે પોલીસે તમામને મંગળવારે ઝડપી લીધા હતા અને વધુ તપાસ માટે બજાણા પોલીસ સ્ટેશનની હદમાં આવેલ સ્થાનિક કોર્ટમાં રજુ કર્યા હતા જયાં ન્યાયાધિશે ગુનાની ગંભીરતાને ધ્યાનમાં રાખીને તા.ર૦ માર્ચ સુધીના રીમાન્ડ મંજુર કર્યા હતા.
જીગ્નેશ સોની હિંમતનગર
(કોણ પકડાયું)
-વૈભવસિંહ મહેન્દ્રસિંહ વાઘેલા ઉ.વ.૪૦ ધંધો.નોકરી(પોલીસ કોન્સટેબલ) રહે.૧૨૭ ચિત્રકૂટ સોસાયટી, મહાવીરનગર હિંમતનગર
-આસિફશા ઇકબાલશા દીવાન ઉવ-૪૪ ધંધો- ડ્રાઇવિંગ (હોમ ગાર્ડ હિમતનગર યુનીટ) રહે-પરબડા તા-હિંમતનગર જી-સાબરકાઠા
-કેતન હસમુખભાઈ રાવલ રહે ગાયત્રી મંદિર રોડ હિંમતનગર
-હિતેષકુમાર ચંદુભાઇ પંચાલ જાતે.મીસ્ત્રી(લુહાર-સુથાર) ઉ.વ.૪૦ ધંધો. ફોટોગ્રાફી રહે-અમદાવાદશહેર ગોતા ૧૨૩૦૭ નીલકંઠ એપાર્ટમેન્ટ આઇ.સી.બી.આઇસ લેન્ડની બાજુમાં વંદેમાતરમ ક્રોસ રોડ, મુળ રહે.ધોળકા
-કુપાબેન વા/ઓ હિતેષભાઇ પંચાલ જાતે.લુહાર-સુથાર ઉ.વ.૩૭ ધંધો.મજુરીકામ રહે-અમદાવાદ,ગોતા ૧૨૩૦૭ નીલકંઠ એપાર્ટમેન્ટ
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %