સાબરકાંઠામાં રંગોત્સવ સંપન્ન, જિલ્લાના તમામ સ્થળે લોકોએ અબીલ, ગુલાલ અને રંગોથી પર્વ ઉજવ્યું. કોઈ મોટી અનિચ્છનીય ઘટના ન બનતા તંત્રને રાહત.
Views: 4
0
0
Read Time:2 Minute, 14 Second
રિપોર્ટ :- જીગ્નેશ સોની હિંમતનગર
સાબરકાંઠા જિલ્લાના શહેરી અને ગ્રામ્ય વિસ્તારોમાં રહેતા અનેક લોકોએ હોળી અને ધૂળેટી પર્વની ઉલ્લાસભેર ઉજવણી કરીને રંગોત્સવ મનાવ્યો છે ત્યારે બુધવારે ધૂળેટી નિમિત્તે હિંમતનગર સહિત જિલ્લાના શહેરી અને ગ્રામ્ય વિસ્તારોમાં રહેતા લોકોએ વિવિધ પ્રકારે ધૂળેટીની ઉજવણી કરી આનંદ માણ્યો હતો. જોકે જિલ્લામાં કોઈપણ જગ્યાએ અનિચ્છનીય મોટી ઘટના બની ન હોવાને કારણે તંત્રએ રાહત અનુભવી હતી.
આ વર્ષે હોળી અને ધૂળેટી પર્વ વચ્ચે એક દિવસ પડતર હોવાને કારણે અનેક લોકોએ તેની ઉજવણી કરવામાં અસમંજસ અનુભવી હતી. પરંતુ સરકારી કચેરીઓમાં તથા અન્ય સ્થળે બુધવારે ધૂળેટીની રજા જાહેર થઈ હોવાથી જિલ્લામાં રહેતા લોકોએ બુધવારે રંગોત્સવ પર્વ મનાવ્યું હતુ. જેના ભાગરૂપે હિંમતનગર તાલુકાના હડીયોલ, ગાંભોઈ,પ્રાંતિજના ગ્રામ્ય વિસ્તારોમાં તથા હિંમતનગરના શહેરી વિસ્તારોમાં રહેતા લોકોએ પોતાની અનૂકુળતા મુજબ વિવિધ પ્રકારના રંગોનો ઉપયોગ કરીને એકબીજાના ચહેરા રંગી દીધા હતા.
તો બીજી તરફ વર્ષોથી ચાલી આવતી પરંપરા મુજબ અનેક ઠેકાણે રહેતા પરિવારોએ લાકડીઓ તથા રંગાયેલા વસ્ત્રોમાં એકબીજા સાથે ભેટીને આનંદ માણ્યો હતો. દરમ્યાન જિલ્લાના પોલીસતંત્ર ધ્વારા અગાઉથી જ સંવેદનશીલ વિસ્તારોમાં સઘન પોલીસ બંદોબસ્ત ગોઠવી દીધો હોવાને કારણે કોઈ મોટી અનિચ્છનીય ઘટના બનવા પામી ન હતી. સાથોસાથ ધૂળેટીની રજા હોવાને કારણે ખાનગી અને સરકારી વાહનોમાં ભીડ ઓછી રહી હતી.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %