અમદાવાદ શહેર અને ગ્રામ્ય પોલીસને જુગારધામની મહિને કરોડોની કમાણી.

અમદાવાદ શહેર પોલીસ તેમજ અમદાવાદ ગ્રામ્ય પોલીસ ની હદમાં લાખોના હપ્તા નું સેટીંગ કરીને. પોલીસ અધિકારીઓ તેમજ વહીવટદારો દ્રારા જુગારધામ ચલાવવાની છુટ આપવાની આવી છે. જુગારધામ ની છુટ મળતા શ્રાવણીયો જુગાર રમવા માટે ઠેર ઠેર જુગારધામ ના રાફડા ફાટી નીકળ્યા છે. ૫૦, ૧૦૦, ૨૦૦, ૫૦૦ અને ૧૦૦૦ ના બોર્ડ બનાવી બેફામ જુગારધામ ચાલી રહ્યા છે. જુગારીઓને જુગારધામ મળી રહે છે પરંતુ પોલીસ ને કેમ જુગાર ધામ નથી મળી રહ્યા ? છેક ઉપર સુધી એટલે કે ક્રાઈમ બ્રાન્ચ, પી. સી. બી. અને વિજીલન્સ સુધી હપ્તા પહોચતા હોવાની વાતો જુગારધામ ચલાવનાર સંચાલકો દ્વારા થઈ રહી છે. ઠેર ઠેર શ્રાવણીયા જુગારધામ ખુલ્લી ગયા હોવા છતાં પોલીસ આંખ આડા કાન કરી રહી છે. સાથે સાથે ધણા અધિકારીઓ ની બદલીઓ થોડા સમયમાં આવવાની હોવાની ચર્ચા વચ્ચે આવા અધિકારીઓ ના વહીવટદારો દ્રારા થોડા સમયમાં ધણા રૂપિયા કમાઈ લેવાની હોડ લાગી છે. અમદાવાદના મનપસંદ જીમખાના, દરિયા પુરમાં પણ ૫૦૦, ૧૦૦૦, ૨૦૦૦ અને ૫૦૦૦ બોર્ડ બનાવીને જુગાર સંચાલકો દ્રારા રમાડવામાં આવે છે. પરંતુ ત્યા હપ્તા લેવા જતી પોલીસ ને આટલું મોટું જુગારધામ દેખાતું નથી. ક્રાઈમ બ્રાન્ચ તો એક ઉચ્ચ અધિકારી આવ્યા બાદ તેમના કાગળાપીઠ પોલીસ સ્ટેશનમાં નોકરી કરતા કનુંભાઈ ને વહીવટ સોપ્યા બાદ પહેલાથી જ પ્રોફેશનલ કંપની જેમ કામ કરી રહી છે. જેના હપ્તા મળે ત્યાં રેડ ના કરવી અને જે હપ્તો ના આપે તેના પર રેડ કરીને ગુના દાખલ કરવા. જો ક્રાઈમ બ્રાન્ચ , પી. સી. બી., સેકટર, ઝોન અને સ્થાનિક પોલીસ સ્ટેશનના પોલીસ કર્મચારીઓ અને અધિકારીઓ જો આવા દારૂ જુગાર ના અડ્ડા ના મળતા હોય તો અમારી ન્યુઝ ચેનલ દ્વારા તેના વિડીયો બનાવી ઉચ્ચ અધિકારીઓ અને સરકારને પહોચાડવામાં આવશે. ટુંકમાં દારૂબંધી અને જુગારના કડક કાયદાની વાત કરનાર વાતો કેટલી પોકળ છે. તે અમારા ન્યુઝ ચેનલના માધ્યમ થી જાહેર જનતા સુધી પહોચાડવામાં આવશે.