Pride Of Human Rights
0 
0 Read Time:4 Minute, 5 Second
રિપોર્ટર:- જીજ્ઞેશ સોની હિંમતનગર
સાબરકાંઠા જિલ્લામાં વર્ષોથી કેટલાક બુટલેગરો પાસ પરમીટ વિના વિદેશી દારૂને વાહનોમાં ભરી પોલીસ તંત્રની રહેમ નજર હેઠળ હિંમતનગર સહિત અમદાવાદ, ઉત્તર ગુજરાતમાં ખુલ્લેઆમ દારૂની હેરાફેરી કરીને મોકલી રહયા છે ત્યારે રવિવારે સાબરકાંઠા જિલ્લાના વડાલી પોલીસ સ્ટેશનની હદમાં આવેલ જેતપુર ગામની સીમમાંથી કેટલાક બુટલેગરો દારૂ અને બીયરનો જથ્થો ત્રણ વાહનોમાં ભરી ને લઈ જતા હતા ત્યારે સાબરકાંઠા એલસીબીએ બાતમીને આધારે નાકાબંધી કરી હતી. જેમાં એક બુટલેગરે ઈરાદા પુર્વક એલસીબીના બે કર્મચારીઓની સરકારી ફરજમાં રૂકાવટ ઉભી કરવાના આશયથી તથા મારી નાખવાના ઈરાદે આ બંને કર્મચારીઓને વાહનથી ટક્કર મારી ઈજા પહોંચાડી હોવાની ફરીયાદ વડાલી પોલીસ સ્ટેશનમાં નોંધાવાતા પોલીસે છ બુટલેગરો વિરૂધ્ધ ગુનો નોંધી બેની અટકાયત કરી છે.
આ અંગે એલસીબીના હેડ કોન્સ્ટેબલ વિનોદકુમાર અરવિંદભાઈએ નોંધાવેલી ફરીયાદમાં જણાવ્યા મુજબ રામનવીમના દિવસે સાંજના સુમારે કેટલાક બુટલેગરો રાજસ્થાના ઠેકા પરથી ઈનોવા નં.જીજે.૦૬પીએચ.૩૭૬૯માં દારૂ અને બીયરનો પાસ પરમીટ વિનાનો જથ્થો લઈ ગુજરાતમાં આવી રહયા હતા તેની બાતમી મળતાં એલસીબીના વિનોદભાઈ અને એએસઆઈ નરસિંહભાઈ ભેમાજીને ખબર પડતાં તેમણે જેતપુરની સીમમાં નાકાબંધી કરી હતી. પરંતુ ઈનોવાના ચાલકએ કાર નં.જીજે.૦ર.૦૮૪પથી કાર નં.જીજે.૦૯બીજી.૧૭૮રને ટક્કર મારી મોત નિપજાવવાના ઈરાદે અથડાવી દીધી હતી. જેથી કાર નં.જીજે.૦૯બીજી.૧૭૮રને નુકશાન કર્યું હતુંં.
ત્યારબાદ આ બંને પોલીસ કર્મીઓએ બુટલેગર સુરેશ પોકરારામ હરજી બિશ્નોઈ (ઢાંકા)નો પુછો કરીને બંને વાહનમાંથી અંદાજે રૂ.ર,૦ર,૧૬રની કિંમતની ૮૮૯ દારૂ અને બીયરની બોટલો ઝડપી લીધી હતી ત્યારબાદ ગેરકાયદે દારૂની હેરાફેરીમાં વપરાતી રૂ.૧પ લાખની ઈનોવા અને રૂ.ર૦ હજારના બે મોબાઈલ મળી અંદાજે રૂ.૧૭,રર,૧૬પનો મુદ્દામાલ કબ્જે લીધો હતો અને ત્રણ જણાની અટકાયત પણ કરી લીધી હતી.
ઉલ્લેખનીય છે કે સાબરકાંઠા જિલ્લામાં દારૂની હેરાફેરી કરતાં કેટલાક બુટલેગરોની સ્થાનિક તથા ઉચ્ચ અધિકારીઓ સાથે ઘરેબો હોવાને કારણે રોજબરોજ લાખ્ખોરૂપિયાનો દારૂનો જથ્થો પાયલોટીંગ સાથે સાબરકાંઠામાં થઈ અન્ય સ્થળે મોકલી રહયા છે. જે અંગે સ્થાનિક પોલીસ અને રાજકારણીઓ જાણતા હોવા જતાં અગમ્ય કારણોસર આ બુટલેગરોને છાવરી રહયા હોય તેવી છાપ ઉપસી રહી છે ત્યારે સરકારે છાપ સુધારવા માટે કડક કાર્યવાહી કરવી જોઈએ તેમ આમ પ્રજા ઈચ્છી રહી છે.
કોની વિરૂધ્ધ ફરીયાદ નોંધાઈ, કોણ પકડાયું
– સુરેશ પોકરારામ બિશ્નોઈ (રહે.નયાવાડા, રાજસ્થાન) (પકડાયો)
– પરેશ રમેશજી ઠાકોર (રહે.વિસનગર) (પકડાયો)
– અશોકજી બદાજી ઠાકોર (વોન્ટેડ) (રહે.વિસનગર)
– મોહન પ્રભુભાઈ રબારી (વોન્ટેડ) (રહે.ડૈયા, રાજસ્થાન)
– દલાજી ભુરાજી રબારી (વોન્ટેડ) (રહે.ડૈયા, રાજસ્થાન)
– છતરાજી બેચરાજી રબારી (રહે.ડૈયા, રાજસ્થાન)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
