Pride Of Human Rights
1 
0 Read Time:4 Minute, 10 Second
રિપોર્ટર:- જીજ્ઞેશ સોની હિંમતનગર
પાસાની ૦૭, હદપારીની ૧પ દરખાસ્ત તૈયાર, ગુજસીટોક એકટ હેઠળ ૦૧ કેસ, જીપી એકટના ૧પ સહિત અન્ય કેસમાં કાર્યવાહી થશે:
૭૩ અસમાજીક તત્વોના પોલીસે બોન્ડ લેવડાવ્યા:
ગૃહ રાજય મંત્રી તથા રાજયના પોલીસવડાની સુચનાથી સાબરકાંઠા જિલ્લામાં અસામાજીક તત્વો સામે સખ્ત કાર્યવાહી કરવા તેમની યાદી બનાવવાની સુચના અપાયા બાદ જિલ્લા પોલીસવડાના માર્ગદર્શન હેઠળ તરતજ તમામ પોલીસ સ્ટેશનોમાંથી વિગતો મંગાવાયા બાદ અંદાજે ૧પ૦ અસામાજીક તત્વોની યાદી તૈયાર કરાઈ છે. જયારે પ૦થી વધુ તત્વોના ગુનાહિત ઈતિહાસને ધ્યાનમાં રાખીને તેમને શુક્રવારે પોલીસવડા કચેરીમાં હાજર રહયા હતા જયાં પોલીસવડા વિજય પટેલએ તેમને ઈશારો કરીને શાનમાં કહયું હતું કે સખણા રહેજો નહીં તો પછી જોવા જેવી થશે. જરૂર પડે અસામાજીક તત્વોની શાન ઠેકાણે લાવવા માટે મુખ્યમંત્રી (દાદા) અને ગૃહ રાજય મંત્રીની સુચનાથી બુલડોઝરથી કાર્યવાહી કરીશું. શુક્રવારે હિંમતનગર સ્થિત પોલીસવડા કચેરીમાં તેમણે પત્રકારો સાથેની વાતચીતમાં જણાવ્યું હતું કે ઉચ્ચ કક્ષાએથી મળેલા આદેશ બાદ સાબરકાંઠાના તમામ પોલીસ સ્ટેશનોમાંથી અસામાજીક તત્વોની યાદી મંગાવીને તેમાંથી તેમણે કરેલા ગુનાહિત ઈતિહાસને ધ્યાનમાં રાખીને અલગ તાળવવામાં આવ્યા છે. ૧પ૦ની આ યાદીમાં બુટલેગરો, જુગારીઓ, શરીર સબંધી ગુના ધરાવતા તથા ગુનાહિત ઈતિહાસ ધરાવતા અસામાજીક તત્વોને વીણીવીણીને શોધી કાઢવામાં આવશે. ત્યારબાદ તે તમામ વિરૂધ્ધ કાયદાકીય કાર્યવાહી પણ કરતા પોલીસ તંત્ર અચકાશે નહી.
સમગ્ર કામગીરીમાં એલસીબીના પી.આઈ.કરંગીયા, ગ્રામ્ય પોલીસ સ્ટેશનના પીઆઇ એચ.આર. હેરભા, બી ડિવિઝન પીઆઇ આર.ટી. ઉદાવત અને તેમની ટીમે રાત દિવસ એક કરીને એકત્ર કરેલ માહિતીને અધિકારીઓની બેઠકમાં ચર્ચા કરાયા બાદ નામો અલગથી તારવી દેવામાં આવ્યા છે. આગામી દિવસોમાં હજુ પણ પોલીસ તંત્ર નિયમોનો ભંગ કરનાર વિરૂધ્ધ કાર્યવાહી કરવા માટે ખાસ ડ્રાઈવનું આયોજન કરવાનું વિચારી રહી છે. છેલ્લા ત્રણ દિવસમાં પોલીસે કેટલાક વાહન ચાલકો તથા અસામાજીક પ્રવૃત્તિ કરતા લોકો સામે અટકાયતી પગલા પણ લઈ લીધા છે. જેના ભાગરૂપે શુક્રવારે પ૦થી વધુ લોકોને એકી સાથે પોલીસવડા કચેરીમાં બોલાવી દેવાયા હતા. જયાં તેમના બોન્ડ પણ લઈ લેવામાં આવ્યા છે. જેથી તેઓ ગમે ત્યારે ગમે ત્યાં કોઈપણ પ્રવૃત્તિ કરતા હશે તો પોલીસ તંત્ર તેનાથી અજાણ નહીં હોયશકમંદોની વિગતો પોલીસે મેળવી લીધી
અટકાયતી પગલા લેવાયા બાદ પોલીસવડા કચેરીમાં જે હાજર હતા તેમણે પોલીસવડાએ કહયું હતું કે તમારા બોન્ડ લેવાયા છે. જે છ મહિના સુધી અમલી બનશે આ સમયગાળા દરમ્યાન તમો કયાં છો, શું કરો છો તે જાણવા માટે પોલીસ તંત્ર પાસે લોકેશન મેળવા માટે મોબાઈલ નંબર સાથેની વિગતો છે જેથી કોઈપણ અસામાજીક પ્રવૃત્તિ કરતા અગાઉ વિચાર જો નહીં તો જરૂર પડે જેલની સજા પણ ભોગવવાનો વખત આવશે.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
