Pride Of Human Rights
0 
0 Read Time:2 Minute, 9 Second
રિપોર્ટર:- જીજ્ઞેશ સોની હિંમતનગર
હિંમતનગર તાલુકા ગ્રામ્ય વિસ્તારોમાંથી ગમે ત્યારે ગૌધનની તસ્કરી કરીને કેટલાક તત્વો કાયદાને પોતાના હાથમાં લઈને તંત્રને પડકાર ફેંકી રહયાછે. ત્યારે શુક્રવારે રાત્રે હિંમતનગરના બેરણા તરફથી એક વાહનમાં ગૌ તસ્કરી કરીને હિંમતનગર તરફ આવી રહેલ તત્વોએ ખેડ-ચાંદરણી રોડ પર બે રાઉન્ડ ફાયરીંગ કર્યાની ઘટના બાદ શનિવારે ગૌ રક્ષકોએ જિલ્લા પોલીસવડાને આવેદનપત્ર આપી કડક કાર્યવાહી કરવાની માંગ કરાઈ છે.
આ અંગે ગૌ રક્ષક ઈશ્વરભાઈ વેરસીહભાઈ રબારી તથા અન્ય ગૌ રક્ષકોના જણાવ્યા મુજબ ગત મોડી રાત્રે પાંચેક જણા બેરણા રોડ પર કેટલાક ગૌ તસ્કરી કરતા તત્વોને પકડવા માટે ફરી રહયા હતા ત્યારે ઈશ્વરભાઈ રબારી તથા જીગરભાઈ બાબુભાઈ દેસાઈએ બેરણા રોડ પરથી હિંમતનગર તરફ આવી રહેલ કારજીજે.ર૩એચ.૦૪૯રમાં બેઠેલા કેટલાક ઈસમોએ પડકાર ફેંકીને તેમની પાસેના હથિયારમાંથી બે રાઉન્ડ ફાયરીંગ કર્યુ હતુ તથા લોખંડની ખીલીઓ ફેંકી હતી.
ઉલ્લેખનીય છે કે તાજેતરમાં પરેશભાઈ દેસાઈના વાડામાંથી ગાયોની ચોરી થઈ હતી તથા હિંમતનગરના એક બસ સ્ટેન્ડ પાસેથી પણ અજાણ્યા શખ્સો ગાયની ચોરી કરી ગયા હતા અને એટલું જ નહીં પણ ગાંભોઈ પોલીસ સ્ટેશનમાં ગૌ તસ્કરી અંગે લેખિત રજુઆત કરી હતી તેમ છતાં ગાંભોઈ પી. આઇ. દ્વારા કોઈ જ કાર્યવાહી કરવામાં ન આવતા અજાણ્યા તત્વો હજુ પણ ગૌ તસ્કરી કરી રહયા છે. જેથી પશુ માલિકો તથા ગૌ રક્ષકોએ શુક્રવારે જિલ્લા પોલીસવડા કચેરીમાં જઈને આવેદનપત્ર આપી ઘટતી કાર્યવાહી કરવાની માંગ કરી છે.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
