0 
0 અમદાવાદ, અવરવલ્લી જિલ્લાના મોડાસામાં પણ તાજેતરના કમોસમી વરસાદથી મગફળી અને કપાસનો પાક નિષ્ફળ જતાં આજે મોદરસુંબા ગામે એક મહિલા ખેડૂતે આત્મહત્યા કરી લેતાં સમગ્ર પંથકમાં ભારે ચકચાર મચી ગઇ હતી.
ખાસ કરીને સ્થાનિક ગ્રામજનો અને ખેડૂતોમાં ભારે આઘાતની લાગણી પ્રસરી ગઇ હતી. બીજીબાજુ, મૃતક મહિલાના પરિવારજનોએ આરોપ લગાવ્યો કે, પાકની નુકસાનીને લઇ મહિલાએ આપઘાત કર્યો છે. તેમના ખેતરમાં અડદ, મગફળી સહિતનો પાક પકવ્યો હતો પરંતુ તાજેતરના કમોસમી વરસાદને લઇ પાક ધોવાઇ જતાં અને પાકની નિષ્ફળ ગયાના ટેન્શનમાં મહિલાએ ઝેરી દવા ગટગટાવી મોત વ્હાલુ કર્યું હતું. બનાવને પગલે સ્થાનિક ગ્રામજનોના ટોળેટોળા ઉમટી પડયા હતા અને સૌકોઇમાં ભારે શોક અને આઘાતની લાગણી પ્રસરી ગઇ હતી. સ્થાનિક ખેડૂતોમાં પાકની નુકસાની લઇ હવે રાજય સરકાર દ્વારા તાત્કાલિક ધોરણે વળતરની સહાય ચૂકવવાની ફરી એકવાર ઉગ્ર માંગણી ઉચ્ચારી હતી. કારણ કે, તાજેતરના કમોસમી વરસાદને લઇ રાજયના ખેડૂતોની હાલત બહુ કફોડી અને દયનીય બની ગઇ છે, પાકોના ધોવાણને લઇ ખેડૂતોને રાતા પાણીએ રોવાનો વારો આવ્યો હોઇ ખેડૂતોએ સરકારને તાત્કાલિક માનવીય અભિગમ અપનાવી સહાયની રકમ તાત્કાલિક ચૂકવવા અનુરોધ કર્યો હતો.
Pride Of Human Rights
